منتدى الإمارات - عرض مشاركة واحدة

**خلية النحل** · 17-07-08, 01:41 am

إقتباس:

يوم تسافرون شو الأشياء الي تفتقدونها هناك انا افتقد (صوت الآذان ..نكهة الأكل مالنا ..اللمة ويا اخواني وخواتي ف بيت أهلي)

أفتقد شوفت من أحب ,, لكن لا أشتاق لأي شي ثاني بس أشتاق للوطن إذا طولة وااااايد ..

إقتباس:

يوم انه الكل ينتقد اشكال العبايات الملفتة وملابس البنات ف المولات عيل اللي نشوفهم منو اهلهم ؟؟؟

و الله أهلهم شكلهم باعوهم و أستوى هذا الشي كأنه عادي ,, الله يستر علينا و على بنات الناس ..

إقتباس:

ليش الحالة المزاجية والوقت تحدد نوع العطر اللي نرشه وأحيانا يستوي العكس؟؟

الصراحه عندي 3 أنواع من العطور بس ماحط في بالي أنه هذا للعصبية وهذا للريلكس و هذا للرومانسية ,, أحس إلي يتأثر بالعطر يعقد عمره واااااااااااااااااااااااايد ..

إقتباس:

يوم نكون برع البلاد ونشوف أعداد السياح والاجانب من غير العرب المقيمين واللي يشتغلون ف الدولة اللي نكون مسافرين لها ما نستغرب هالشي لكن هني ف بلادنا نحس بالضيق من أعداهم وتزايداهم

تفرق أستاذتنا ,, نحن هني الأقلية يعني أصبحنا الجالية الإماراتية في الإمارات ,, لكن عدد الأجانب في الدول الغربية لايزيد عن عدد مواطنيها ..

إقتباس:

للي يسوقون كيف تقضون المسافة وانتو طالعين بالسيارة لمسافة طويلة نسبيا (سوالف بالموبايل ...الاستماع للإذاعة...سماع محاضرة...ما تسوون شي مول))

على حسب إذا كان يمبك واحد سولف بتاخذك السوالف معاه لكن إذا حد ينبك من النوعية إلي تنام فالله يعين و مالك إلى الرادو و المسجل ..

إقتباس:

ليش يوم نكون ف السيارة ملاحظاتنا للأشياء تختلف يعني يوم نكون نسوق غير يوم نكون جنب السايق مع انه نمر ف نفس الطريق كل يوم تقريبا

لا فرق كبير ,, فالسايق لازم يخلي كل أنتباهه للشارع لو حافضنه عن ظهر قلب ,, لكن إلي جنبه ماله شغله يطالع يمين وشمال ,, و يشوف الملاحظات إلي مايشوفها الثاني ..

إقتباس:

وسلامتكم

ربي يسلمج من كل شر ,, و تسلمين على هذي السوالف إلي على الطاير قبل ماطيرين ..