سوالف 5

**شموخ النخيل** · **سوالف 5 -** 20-04-07, 05:12 pm

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك للمتابعة وإذا لم تكن فيمكنك تسجيل عضوية جديدة مجانا ً ( من هنا )

**عيون الحب** · 05:41 pm

(1)
الرسائل النصية:

هالرسائل يوم توصلني أحس بإن إحساس الشخص و مشاعره توصلني قبل لا توصل هالرسالة..

ومثل هالمسجات وااايد أحب احتفظ فيها..

بس الله يسامح الموبايل التعبان اللي يجبرني و على إني امسحها في بعض الأحيان..

(2)
لحظات الفرح و الحزن:

عن نفسي ماحب أظهر مثل هالمشاعر جدام أي حد .. لأن الواحد مرات تصدر منه أشيا و هو مب منتبه سواء في الفرح أو الحزن..

و الله يهداهم اللي عدنا أدريبهم إذا ذكروها بعدين بيعلقون و يضحكون

(3)
القطو يحب خناقه:

أمس يت هالجملة على بالي .. و كنت أحاول أفسر سبب هالحب ...

(4)
البلوتوث:

يقولج .. عش رجبا .. ترى عجبا

و الحين ما يحتاي تتريين رجب .. كل يوم في شي يديد

**Nothing2say** · 20-04-07, 05:39 pm

شموخ النخيل ... موضوع حلو .. كثير من الناس في هالوقت .. يتخذون الرسائل وسيلة للمواساة سواء في الفرح او الحزن .. في ناس يرسلون تعزية او تهنئة بالرسائل .. حتى الدعوه في الوقت الحالي تكون بالرسائل ..
انا اشوف الواحد احسن يسير للشخص اللي يبغي يعزيه او يهنيه .. او حتى للدعوة .. لان بيشوف ان هالشي كبير .. وقدوم هالشخص له شخصيا ... وبعدين بيحاول يلبي الدعوة .. بس اذا تعذر على الشخص ان يسير .. اشوف ان الاتصال احسن من الرسايل ...

**الجويس** · **وعليكم السلام والرحمهـ -** 20-04-07, 05:43 pm

.

؛

إقتباس:

ولكن الرسائل التي نكتبها ونرسلها لبعضنا البعض كرد على استفسار
أو تعبير عن مشاعر معينة

اذا كانت رسائل عاديه فهاي ماطرشها

الا للي لهم معزة في قلبي

فكيف اذا كانت الحروف مكتوبه

بضغطت زر مني اكيد بتكون اعمق

إقتباس:

أو لوم أو عتاب أو حتى مشاعر غاضبة وثائرة

اكيد واذكر من فترة طرشت لي وحدة

من ربيعاتي مسج عتاب

بخصوص سالفه بينا وانا تلومت فيها

بمجرد ماطرشت هالمسج

إقتباس:

هل هي لحظات الفرح أم لحظات الحزن

لحظات الفرح غير والحزن غير

لان دايما الواحد وخصوصا لحظة الفرح

يحب كل اللي حواليه

يشاركونه فرحته

بعكس الحزن الواحد يحاول يكتم حزنه

ومايبينه للي حواليه ويحب يحتفظ بحزنه له بروحه

إقتباس:

((القطو يحب خناقه))

هالشي مب عندي

ابعد عن الشر وغنيله

إقتباس:

بالامس أصبت بنوع من الذهول بعد مشاهدتي لأحد مقاطع البلوتوث

الحمدلله مريحه حالي من صدعة البلوتوث وبلاويه

واذا حاولت وحدة تطرش لي مقاطع اسالها شوفيه بالضبط

لان اغلب اللي يي من البلوتوث بلاوي

وتسلمين ع سوالـ 5 ـف

وفي انتظار سوالــ 6ـف

**المرعب** · 20-04-07, 06:54 pm

شموخ النخيل

وعليكم السلام ورحمة الله وبركاته

الرسايل النصية من الطرق اللي نقدر نعبر فيها عن مشاعرنا اتجاه الغير سواء كانت هذه المشاعر زينة ولا لا

لكن المشكلة اللي ما يقدرون هالرسايل او حتى يقرونها ويطنشونها

********

انا احب المقربين لي ان يشاركوني لحظات الفرح فقط ولسبب واحد...من حبي لهم لا أحب ان أضايقهم بلحظات حزني لا سمح الله

********

ها القطو....والحمدلله نحن بشر

********

وليش الفضول....خليج بعيد عن بلاوي البلوتوث لان فيه اشياء ما يصدقها عقل

المرعب والاجر على الله

**شموخ النخيل** · 20-04-07, 07:15 pm

عيون الحب

إقتباس:

هالرسائل يوم توصلني أحس بإن إحساس الشخص و مشاعره توصلني قبل لا توصل هالرسالة..

ومثل هالمسجات وااايد أحب احتفظ فيها..

يعني انتي مثلي توصلج مشاعر المرسل ويا الحروف

إقتباس:

بس الله يسامح الموبايل التعبان اللي يجبرني و على إني امسحها في بعض الأحيان..

مسحي الرسايل العاديةوالرسايل الخاصة اللي تحبينها سوي لها حافظة بروحها ونقلي لها كل اللي تبغينه انا مسوية جي

إقتباس:

عن نفسي ماحب أظهر مثل هالمشاعر جدام أي حد .. لأن الواحد مرات تصدر منه أشيا و هو مب منتبه سواء في الفرح أو الحزن..

و الله يهداهم اللي عدنا أدريبهم إذا ذكروها بعدين بيعلقون و يضحكون

لحظات الفرح المشاعر تكون عفوية والحركات بعد
وهييج الساعة يستلمونج بالتعليقات كل ما مرت السالفة

لكن ف لحظات الحزن تكونين متحطمة وما تحبين انه حد يشوفج ولا يذكرج فيها بعدين لانه بيجدد عليج الذكريات الاليمة

إقتباس:

أمس يت هالجملة على بالي .. و كنت أحاول أفسر سبب هالحب ...

مب كل شي ف الدنيا نلقى له تفسير مقنع فيه اشياء نخليها مثل ما هي ما نحاول فك شفرتها لانه لذتها بغموضها

إقتباس:

يقولج .. عش رجبا .. ترى عجبا

و الحين ما يحتاي تتريين رجب .. كل يوم في شي يديد

هيه والله شفنا رجب وكل اخوانه

شكرا على المشاركة والتواصل

**شموخ النخيل** · 20-04-07, 07:19 pm

Nothing2say

إقتباس:

شموخ النخيل ... موضوع حلو ..

تحلى ايامج ان شاء الله

إقتباس:

كثير من الناس في هالوقت .. يتخذون الرسائل وسيلة للمواساة سواء في الفرح او الحزن .. في ناس يرسلون تعزية او تهنئة بالرسائل .. حتى الدعوه في الوقت الحالي تكون بالرسائل ..

يعني انهم قدرو يستفيدون من التقنية الحديثة واستغلوها لصالحهم

إقتباس:

انا اشوف الواحد احسن يسير للشخص اللي يبغي يعزيه او يهنيه .. او حتى للدعوة .. لان بيشوف ان هالشي كبير .. وقدوم هالشخص له شخصيا ... وبعدين بيحاول يلبي الدعوة .. بس اذا تعذر على الشخص ان يسير .. اشوف ان الاتصال احسن من الرسايل ...

اكيد انه المسج مب مثل الحضور شخصيا ولكن كل شي وله ظروفه

شكرا على المرور والمشاركة ......حياج الله ويانا ف المنتدى

**شموخ النخيل** · 20-04-07, 07:31 pm

الجويس

إقتباس:

فكيف اذا كانت الحروف مكتوبه

بضغطت زر مني اكيد بتكون اعمق

اكيد لانه فيها جزء من احساسج ومشاعرج

تعالي بقول لج سر وما ابغي حد يسمعه(( بضغطة ))بالتاء المربوطة مب التاء المفتوحة

إقتباس:

اكيد واذكر من فترة طرشت لي وحدة

من ربيعاتي مسج عتاب

بخصوص سالفه بينا وانا تلومت فيها

بمجرد ماطرشت هالمسج

يعني ان المسج سوى دليت للزعل واستوى عندج رفريش

إقتباس:

لحظات الفرح غير والحزن غير

لان دايما الواحد وخصوصا لحظة الفرح

يحب كل اللي حواليه

يشاركونه فرحته

بعكس الحزن الواحد يحاول يكتم حزنه

ومايبينه للي حواليه ويحب يحتفظ بحزنه له بروحه

يمكن ما نبغي نبين لهم مدى ضعفنا ولا مدى تأثرنا بالهشي لانه يمكن يكون من وجهة نظرهم موضوع عادي لكن بالنسبة لج انتي كبير ومهم

إقتباس:

هالشي مب عندي

ابعد عن الشر وغنيله

الناس اجناس

إقتباس:

الحمدلله مريحه حالي من صدعة البلوتوث وبلاويه

واذا حاولت وحدة تطرش لي مقاطع اسالها شوفيه بالضبط

لان اغلب اللي يي من البلوتوث بلاوي

عيني ف عينج

إقتباس:

وتسلمين ع سوالـ 5 ـف

وفي انتظار سوالــ 6ـف

اممممممممممم كم تدفعون لي

شكرا على المشاركة والتواصل

**شموخ النخيل** · 20-04-07, 07:45 pm

المرعب

إقتباس:

الرسايل النصية من الطرق اللي نقدر نعبر فيها عن مشاعرنا اتجاه الغير سواء كانت هذه المشاعر زينة ولا لا

اكيد التقنيات الحديثة خدمتنا وايد وبالنسبة للرسايل انا اشوف انه تبين حالة الشخص يوم يطرش الرسايل لانه تكون واضحة طريقة اختياره للكلمات

إقتباس:

لكن المشكلة اللي ما يقدرون هالرسايل او حتى يقرونها ويطنشونها

وليش معور راسك وياهم سو لهم بلوك ودليت وطنشهم انت بعد

إقتباس:

انا احب المقربين لي ان يشاركوني لحظات الفرح فقط ولسبب واحد...من حبي لهم لا أحب ان أضايقهم بلحظات حزني لا سمح الله

مشاعر حلوة منك المرعب انك ما تبغي تضايج غيرك
الله يديم عليك السعادة وراحة البال ويشاركونك كل احبابك لحظات سعادتك وفرحك

إقتباس:

ها القطو....والحمدلله نحن بشر

هالشي اكتشفته بروحك ولا حد خبرك عنه

ما حد غير نبيل هو اللي يغششك الاجابات

إقتباس:

وليش الفضول....خليج بعيد عن بلاوي البلوتوث لان فيه اشياء ما يصدقها عقل

مب فضول ولا شي لكن الواحد يحب يعرف وين وصل حال مجتمعه اللي عايش فيه والناس اللي فيه وين وصلو

شكرا على المشاركة والتواصل

**أم سعود** · 09:32 pm

مثل ما قلتي عزيزتي شموخ أن الرسائل تعبر عن مشاعر وأحاسيس الشخص المرسل لها.. الرسائل النصية وسيلة تعبير وتواصل بين الناس.. بس مرات اتحسينها مجرد مسجااات عابره وما تعني لأي مشاعر وهذا يعتمد على الشخص المرسل..

أنا بصراحة أحب أن الناس يشاركووني الفرحه أكثر من الحزن.. مثل ما قااال مرعبنا.. بس مرات الواحد يضطر أن يشارك أعز ناسه حزنه عشان يسانده ويخفف عنه شوي حتى لو بالكلام الطيب وبالنصيحة..

ربي لا يحزنكم ان شاء الله ويرزقكم الفرح دوووم يارب..

هذا النوع من الحب يسمونه طيبة وحب للخير..

أنا اللي أستغرب منه.. أن معظم الناس يخترعووون مواقف وشغلات ان كاانت حلوه ويلا مره ويطرشووونها لغيرهم بالبلوتوث ويتفاخروون فيها ان كانت يديده ترى هو أول شخص استقبلها وهاااي تعنيله الكثير.. شيء ناااس يعذبوون الأطفال بس لصنع الفيديو ومتاجرته بالبلوتوث..

عفانا الله.. الله يبعدنا من هاااي السلوكيااات..

وتسلمين عزيزتي شموخ النخيل على هالسوالف الحلوه والهادفه..

وربي يحفظج ويوفقج دووم يارب..

والسموحة..

**الحنين** · 20-04-07, 10:42 pm

موضوع جميل ... يعطيج العافية وتسلمين ...

وإن شاء الله دوووم هالتواصل بكل مفيد ..

=========

إقتباس:

ما رأيكم هل تشاركوني الرأي بان الرسائل النصية في هواتفنا لها روح؟؟

نعم ... لأنه كما ذكرتي نستطيع تخيل الشخص من خلال كتابته للنص ..

والتقطة الوحيدة والتي تعتمد عليه ( المرسل ) .

========

الفرح ربما أكبر قدر ممكن من الناس يشاركوني فيه ...

لكن الحزن لا ..

=======

تسلمين عالسلسة الطيبة لمواضيعج الحلوة...