سوالف الحريم ف الصالون

**شموخ النخيل** · **سوالف الحريم ف الصالون -** 27-04-07, 02:24 pm

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك للمتابعة وإذا لم تكن فيمكنك تسجيل عضوية جديدة مجانا ً ( من هنا )

**أم سعود** · 03:40 pm

إقتباس:

أمس كان عرس اختي وهاي لقطات حية ومب مباشرة [color="Magenta"]((مسجلة)) انقلها لكم من الصالون

مبروووك عزيزتي شموخ على عرس أختج والله يسعدها ويوفقها دووم يارب.. اللهم آمين..

إقتباس:

وحدة يالسة ع الكرسي وتتريا يعدلونها لانها عروس وهي متينة ومبين عليها انها ف اواخر الثلاثين وبداية الاربعين يت عندها بنية متينة وايد وايد وايد عمرها بين 12 و13 وقالت لها امي شو تبغين نطلب لج من المطعم ردت وقالت سندويجتين شاورما وعصير كوكتيل انا بطلت عيوني وطالعتها وضحكت من الخاطر قلت ف خاطري ما شاء الله عليها العروس شهيتها مفتوحة للاكل

طبعا قلت شي غير لكني ما بخبركم عنه

ما شاء الله عليهم .. أحس المتااان شهيتهم مفتووحه للأكل أكثر.. بس بعد المتن مرات يكووون مرض لبعض الأشخاااص..

الحمدلله أنا ضعيفة

واذا أبا أمتن بس أبا يكون وزني 50..

إقتباس:

حرمتين دخلن الصالون وحدة عيوز والثانية شباب العيوز لابسة برقع انا تحسبتها يايةويا بنتها ولا حرمة ولدها لكني ما اشوفها الاوهي شالة البرقع عن ويهها يوم سالتها راعية الصالون شو تبغين تسوين قالت لها حواجبي ....انا استويت جي

اسكتي شيء عيايز هالأيام يلبسوون فساتين ويسووون تسريحة ومكياااج وغيره.. اذا العيوز بتشل حواجبها عيل شو بتخلي حق بناتها..

الله يبعدنا عن شل الحواجب يارب.. اللهم آمين..

إقتباس:

هنتين مغربيات لابسات عباية وشيلة ومن كلامهن مبين انهن متزوجات مواطنين وحدة تقول للثانية وبصوت عالي ((قال لي بيسير عند امه ف ليوا)) [color="Purple"]لكني ما خليته وسبته هو وامه

عفانا الله.. الله يعافينا ويكافينا من هاااي الأشكااال يارب..

إقتباس:

وحدة ياية تصبغ شعرها وبعد ما غسلو شعرها ما نسمع الا صراخها يهز الصالون وهي تسب وتلعن سارت راعية الصالون تركض لها شو مستوي شو بلاج قالت لها مب هذا اللون اللي طلبته انتو ما تعرفون تسوون شي انا متعودة اصبغ ف صالون...........شو يابني عندكم الحرمة تحاول تهديها لكن ما شي فايدة قالت لها ف الاخر خلاص ما نبغي منج فلوس

شو الفايدة ما دفعت بيزات بس بعد خربوولها صبغة شعرها..

أنا ما أحب أغامر بأي صالوون ما أعرفه..

إقتباس:

كنت يالسة بروحي بعد ما خلصت اتريا خواتي يخلصن وكنت يالسة اقرا ف مجلة يت وحدة ويلست ف الكرسي اللي مجابلني انا ما انتبهت لها ف البداية رفعت راسي حصلتها تطالعني ما سويت لها سالفة وكملت قراية المجلة ما اشوفها الا يت ويلست جريب مني وتمت تدقق فيني انا رفعت راسي وابتسمت لها طالعتني وبعدين سارت

يمكن امشبهه عليج.. ويلا معجبة..

إقتباس:

شباب المنتدى اكيد ما تستوي عندكم سوالف ف صالونات الحلاقة ولا ضرابات

يمكن تستوي عندهم سوااالف .. نتريا رد وااحد منهم..

وسلمت يمناااج عزيزتي على السوالف الحلوه..

وربي يحفظج ويوفقج دووم يارب.. اللهم آمين..

والسموحة..

**هوية وطن** · 27-04-07, 03:03 pm

السلام عليكم ..

والله سوالفج حلوة وغريبة يا ابنة أبي الشموخ (على قولة نبيل)

===

سالفة العيوز شي عجيب !! .. حواجب مرة وحدة !!

===

والله ما اعتقد انه عند الشباب تستوي مثل هالسوالف .. انتوا حالة خارقة ..

===

بحكم دراستي في الشارجة .. اسير لحلاق معين .. في البداية كنت اتحرى انه معظم اللي اييون يتحلقون بتان مستعربين .. يعني تشوفين الواحد كاشخ بكندورة و سفرة وآخر شي يرطن أوردو !!

لكن اكتشفت ان كلهم مواطنين .. وبعدها اكتشفت ان اغلب شباب الشارجة جيه .. الأوردو استوت لغة متداولة عندهم .. شي حلو انه الواحد يتعلم لغات .. بس بغيت حد من شباب الشارجة يأكد هالمعلومة أو ينفيها !!

===

وأغلب السوالف اللي تستوي هي تقطيع !! .. الشباب يتمصخرون عالحلاق و الحلاق ما يقصر بعد !!

نتريا سوالف المرعب ونبيل !!

**شموخ النخيل** · 27-04-07, 03:27 pm

أم سعود

إقتباس:

مبروووك عزيزتي شموخ على عرس أختج والله يسعدها ويوفقها دووم يارب.. اللهم آمين..

الله يبارك فيج

إقتباس:

ما شاء الله عليهم .. أحس المتااان شهيتهم مفتووحه للأكل أكثر.. بس بعد المتن مرات يكووون مرض لبعض الأشخاااص..

فيه متان يكون عندهم حالة وراثية للمتن وفيه منهم يستوون متان من مجابل البطن 24 ساعة لكن هاي عروس وما شاء الله عليها تاكل ولا عليها ولا مهتمة يمكن لانها معرسة من قبل يعني خبرة سابقة

إقتباس:

الحمدلله أنا ضعيفة واذا أبا أمتن بس أبا يكون وزني 50..

حرام عليج يا ام سعود شو مسوية بعمرج قافلة الثلاجة ولا شو

إقتباس:

اسكتي شيء عيايز هالأيام يلبسوون فساتين ويسووون تسريحة ومكياااج وغيره.. اذا العيوز بتشل حواجبها عيل شو بتخلي حق بناتها..

هيه والله عيايز كاشخات ويتنافسن بعد

لكني اول مرة اشوف عيوز تبغي تسوي حواجبها

إقتباس:

عفانا الله.. الله يعافينا ويكافينا من هاااي الأشكااال يارب..

عااااااااااااااااااااااااااااادي استوت هالاشكال بينا

إقتباس:

شو الفايدة ما دفعت بيزات بس بعد خربوولها صبغة شعرها.. أنا ما أحب أغامر بأي صالوون ما أعرفه..

يمكن تعمدت تسوي جي لانها ما تبغي تدفع

إقتباس:

يمكن امشبه عليج.. ويلا معجبة..

كل شي جايز لكن يوم انها معجبة ليش ما سلمت ع الاقل

إقتباس:

يمكن تستوي عندهم سوااالف .. نتريا رد وااحد منهم..

وانا وياج اتريا سوالفهم

إقتباس:

وسلمت يمناااج عزيزتي على السوالف الحلوه

الله يسلمج مشرفتنا وها من ذوقج

شكرا على المشاركة والتواصل

**أم سعود** · 03:37 pm

إقتباس:

نتريا سوالف المرعب ونبيل !!

والله وستويتوا مشهورين

والسموحة..

**شموخ النخيل** · 27-04-07, 03:39 pm

هوية وطن

إقتباس:

السلام عليكم ..

وعليكم السلام ورحمة الله وبركاته

إقتباس:

والله سوالفج حلوة وغريبة يا ابنة أبي الشموخ (على قولة نبيل)

تحلى ايامك ان شاء الله

إقتباس:

سالفة العيوز شي عجيب !! .. حواجب مرة وحدة !!

هاي عيوز زقرتية الله يسلمك

إقتباس:

والله ما اعتقد انه عند الشباب تستوي مثل هالسوالف .. انتوا حالة خارقة ..

بنشوف ردود الشباب

إقتباس:

بحكم دراستي في الشارجة .. اسير لحلاق معين .. في البداية كنت اتحرى انه معظم اللي اييون يتحلقون بتان مستعربين .. يعني تشوفين الواحد كاشخ بكندورة و سفرة وآخر شي يرطن أوردو !!

لكن اكتشفت ان كلهم مواطنين .. وبعدها اكتشفت ان اغلب شباب الشارجة جيه .. الأوردو استوت لغة متداولة عندهم .. شي حلو انه الواحد يتعلم لغات .. بس بغيت حد من شباب الشارجة يأكد هالمعلومة أو ينفيها !!

انزين احسن جي يوم انهم يعرفون يرطنون ويا الهنود بلغتهم
مرة كنا سايرين العمرة شفت حريم من دبي ف الفندق ويرطنن هندي ويا العمال تقول مولودت ف بمبي
حلو انه الواحد يتعلم لغات خاصة العيمي والهندي لانهم لغة تجار السوق عندنا

إقتباس:

وأغلب السوالف اللي تستوي هي تقطيع !! .. الشباب يتمصخرون عالحلاق و الحلاق ما يقصر بعد !!

ما شاء الله عليهم شبابنا ما حد احسن عنهم ف هالسوالف

إقتباس:

نتريا سوالف المرعب ونبيل

ما عليك منهم هذيل اكيد مصلعين وما يندلون باب الصالون مال الحلاق وين

شكرا على المشاركة والتواصل

**هوية وطن** · 27-04-07, 03:45 pm

شموخ النخيل ..

اتريي اللي بييج من الثنائي المرح !!

**شموخ النخيل** · 27-04-07, 03:54 pm

هوية وطن

إقتباس:

اتريي اللي بييج من الثنائي المرح !!

اذا ما وصلو بنطرش لهم التاكسي ييبهم

خدمة التوصيل للمنازل اظن المنتدى يوفرها

أم سعود

إقتباس:

والله وستويتوا مشهورين

عيل موضوعي راح ف خبر كان وان واخواتهم وبقية الشلة وعيال فريجهم

شكرا على المشاركة والتواصل هوية وطن وام سعود

**صمت الجرووح** · 27-04-07, 06:53 pm

اول شي تسلمين عالمواااااااااااااااااااااضيع الرووووووووووووووووووووووووعه
صالونا بلاوي الله يستر عليهم ولا يبلينا