.:: مــــيــــزان غـــيـــر غـــيـــر ::.

**الصريح جداً**

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك للمتابعة وإذا لم تكن فيمكنك تسجيل عضوية جديدة مجانا ً ( من هنا )

.:: بدون توقيـــــــــــــــــــع ::.

**صدى الأحزان** · 29-05-07, 11:42 pm

السلام عليكم

كل شخص يشوف الطرف الثاني بنظرته هو ... اتذكر مره دكتور بالجامعه قال لنا مثال :
اذا شفنا مجموعة شباب يالسين عند باب الدكان ، اذا مر الشرطي عليهم راح يقول بنفسه اكيد هذيله يسون شي ... واذا مر عليهم شاب عادي بيقول وحليلهم قاعدين يسولفون ... واذا مر شيبه بقول هذيل صدق ما يستحون مسوين زحمه عند باب الدكان .

يعني كل وحده يشوف الاخرين من خلال طبعه واسلوبه ( كل يرى الناس بعين طبعه )
كل واحد على حسب خلفيته وثقافته الاجتماعيه اللي تربى عليها

ويعطيك العافيه على الموضوع
تروج وترد بالسلامه

**المرعب** · 30-05-07, 02:09 am

الصريح جدا

وين دار التميمي ...؟ وتروح وترد بالسلامة

موضوع حلو ومهم ..... التقييم للآخرين او الميزان كما أسلفت .... طبعا انت وضحت الكثير من الامور في كيفية تقييم الناس او ( وزنهم ) .... فكل تقييم يأتي على نظرة معينة أو ثقافة محددة

عني أنا لا أحب تقييم شخص الا من خلال تجاربي معاه ...فلا أستطيع ان أحكم بان هذا الشخص سيء من خلال معاملة واحدة ولا من خلال شكله .... فكي أقيمه تقييم سليم ويكون أقل شي تقييم منصف يجب ان اتعامل معه وأعاشره

ولكن هناك أمور أيضا تبرز القليل من شخصية الطرف الآخر في الميزان ... يعني لو شفت هالشخص سكران او مسوي مشكلة كبيرة فاكيد هالشي بيأثر في تقييمه ولكن ما بيكون حكم نهائي

وبعد لو شفت هالشخص في المسيد دائما فلا يعني أنه خال من العيوب

المرعب والاجر على الله

**ام مايد** · 30-05-07, 11:02 am

كل يرى الناس بعين طبعة
وكل واحد يشوف الناس بمنظار خاص فية ..
بالنسبة لي ما احب اتعامل مع حد طبيعي الين اعرف نوعة .. لان الناس انواع واشكال ...
ومن خلال تجاربي في العمل اكرة الاختلاط واللي فية ...
الحريم ماعندهم شغلة غير الهمز والمز ...
والريايل يغازلون البنات ..
الله يستر علينا ويهديهم ...

وشكرا على الموضوع

**أم سعود** · 30-05-07, 04:30 pm

الصريح جداً سلمت يمناااك على الموضوع الرائع..

ولي عوده للمداخله في الموضوع..

وربي يحفظك ويوفقك دوووم يارب..

والسموحة..

**صمت الجرووح** · 31-05-07, 11:01 pm

كل شخص له نظره في الحياة البعض نظره صح والبعض الأخر غلط
والله أعرف بنات فري بس عندهم معلومات دينيه أكثر منا شو السبب في رايك ولا تلقى وحده حاطه الحجاب ومتدينه بس معلومات غلط في غلط

عاد المدارس سوالف

بس على منو الحق ؟؟؟؟؟؟؟؟؟؟؟

يزاك الله خير عالطرح

**عظيم الشان** · 01-06-07, 12:12 am

صدقك .. كل إنسان ونظرته بالحياة بس الإنسان اللي يفكر بعقله والنتيجة اللي راح يطلع فيها
بس الناس اليوم كله مظاهر...

يسلموو

**أم سعود** · 01-06-07, 04:11 pm

كل شخص عنده ميزان مختلف عن الشخص الثاني.. طبعا هالاختلاف ينتج من اختلاف البيئة والمجتمع والأسره المحيطة بهالشخص..

ومثل ما قلت أخوي الصريح جداً أن كل شخص يووزن الأمور أو الناس اللي حووله بمنظوره الخاص اللي اتعود عليه وغالبا ما يغير هالمنظور بتغير البيئة أو المجتمع اللي حوووله..

ومن خلال هالميزان راح نبني لنا ميزان حسنااات أو سيئات.. فلازم قبل لا نووزن أي شيء لازم يكون الميزان صحيح ومنظوره صحيح..

إقتباس:

وكل فئة بتحصلها مصّرة انه نظرتهم هي الصحيحة لانه الميزان عندهم على هالأساس متوازن

صدقت أخوي في كلامك.. مثل الآباء والأجداد لهم ميزانهم القديم ونظرتهم للحياة والأمور والسلوكيات اللي فيها قديمة وما تصلح للعالم اليديد اللي نعيشة.. وشيء نااس تحكم على هالميزان انه ميزان التخلف الجاهلية.. بس هالميزان في الغالب هو الميزان الصحيح..

إقتباس:

فكيف نعالج هذا الخلل ونعدل الميزان ونعيده الى أصله مني السؤال

من منظوري أن كل شخص يقدر يعالج الخلل اللي في ميزانه على أساس ميزان الدين الاسلامي..

نسأل الله الهداية والصلاح في ميزاننا..

سلمت يمناااك أخوي الصريح جداً على هالموضوع الرائع..

وربي يحفظك ويوفقك دووم يارب..

والسموحة..

**AnacondA** · 03-06-07, 01:11 am

الحين صار الميزان الأنترنت والدردشة مع بنات الخلق.

والي مش عاجبه يوزن بره.

اله المستعان على هذا الزمان !.