مشهد أراه دائماً !!!!

**Nothing2say** · **مشهد أراه دائماً !!!! -** 01-07-08, 11:47 pm

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك للمتابعة وإذا لم تكن فيمكنك تسجيل عضوية جديدة مجانا ً ( من هنا )

مبـــــــــــارك عليـــــــــــــــــكم الشــــــــــــــــهر

آخر تعديل بواسطة Nothing2say : 02-07-08 في 10:33 am. السبب: خطأ مطبعي

**شرتا** · 02-07-08, 12:04 am

فعلا شي يبط الجبد انا كل من اروح المول وادش ساحة العاب الاطفال اموت من القهر من منظر الخدامات ويا الاطفال المساكين اللي لا الهم حول ولا قوه اللي مقعده الاطفال غصب عنهم وتسولف ويا ربيعتها واللي منتفخه ومتضايقه وتهد على اليهال وتضربهم واللي قاعده تاكل وموب منتهبه لهم وتاكل اكلهم وتتكلم بالموبايل وغيره وغيره بس المشكله موب فيهن في الاهل المنعدمين الضمير والاحساس

**Nothing2say** · 02-07-08, 10:38 am

مثل ما قلتي شي يعور القلب بصراحة ...

مرات الخدم يحطوون في بالهم .. اذا الاهل ما يستحملون عيالهم .. يبغونا نحن نستحملهم ..

مشكورة أختي على المرور والمشاركة ..

**الأمير** · 02-07-08, 12:56 pm

موضوع وطرح مميز ..

احد الأيام اخذت اولادي الى ساحة ألعاب مركز الوحدة .. رأيت بأم عيني خادمة داخل شبك العاب الأطفال تضع سيجارة في فم طفلة صغيرة وتقوم بتصويرها بواسطة الموبايل وسط ضحكات بقية الخادمات ، حقيقة ام عبدالله لم يرق لها هذا التصرف وتوجهت الى الخادمة لتنهرها وسط لا مبالاة منها ..

للأسف الأسرة تركت الكثير من ادوارها للخادمات .. وطول فترة الدوام في الدوائر والمؤسسات الغير مبرر ساهم مساهمة كبيرة في هذا الشيء ..

**صمت الجرووح** · 02-07-08, 01:41 pm

أنا ما أنكر أنه أهلى بيتهم كل خداماتهم ييون 10 أو فوق وكل وحده ما سكه رضيع والله أني أعصب يوم اشوف الخدامه ما سكها لياهل
اقول مدام ما تبون تربونهم ليش تبتوهم ><

ظاهر كثير منتشر

ما أعرف متى بيحسون أنه الطفل محتاج للوالدين

يزااج الله خير خويتي ع الطرح^^

**خلية النحل** · 02-07-08, 06:11 pm

موضوع مهم جدا ,, و ياكرهي للخدم << ليس تقيلا من قيمتهم و لا من مستواهم ..

للأسف أصبحت الخادمة هي المربية الأولى للطفل ..

و دي أنفجر وأمسك الأبو و الأم وأشرشحهم يوم أشوف الطفل يصيح يوم الخادمه تطلع أو تسافر ..

للأسف الأم اصبحت مشغوله في الموضه و سوالف هذا العصر و تركت التربية للخادمة ..

و الأب أصبح لاهي في العقارات وجمع النقود و مسوي عمره فقط بنك للأسرة ونسى دوره الحساس ..

نتيجة الخراب إلي نشوفه بين الأجيال كله من هذا الشي ,, و إلي يزعج أكثر يوم تقول حق الوالدين أبنك أو بنتك غلطوا يقولون كيف جذا ؟؟ عيالنا مرابايين عدل << الله يخلي الخدامة ..

الله يستر علينا بستره ..

Nothing2say

تسلمين على هذا الموضوع المميز و على هذا الطرح ..

**Nothing2say** · 02-07-08, 06:46 pm

الامير ... موقف محزن بصراحة ... المشكله طبعاً من الأهل .. هم اللي خلوا الخدم يتجرؤوون ويلعبوون باليهال
صمت الجرووح .... شو نسوي هذا الواقع ..
خلية النحل .. هد أعصابك شوي .. بس أغلب كلامك صح ... يتعلقوون بالخدامة حتى مرات تشوف يوم الياهل يطيح .. يركض في حضن الخدامة ...

تسلمون على المرور والمداخلة ..

**الرنين** · 02-07-08, 09:24 pm

تسلمين على الموضوع..
والله يهدي الأهل..

**الحنين** · 02-07-08, 10:53 pm

وأيضاً موضوع اجتماعي مهم ... جزاك الله خيراً أختي الغالية...

الأبناء تربية الخدم ؟؟... ثم بعدها يريدون منهم أمناء مخلصين وأصحاب أخلاق

عالية ... أبناؤكم كالشجرة ... لا تسقوها أشواكاً فتجرحكم قبل كل الناس!!

أصلح الله من حال الأسر ...

**Nothing2say** · 03-07-08, 12:05 am

الرنين
الحنين

الله يهدي الجميع

شكراً عزيزاتي على المرور الحلو

**كلاسيكي** · 03-07-08, 04:33 pm

موضوع مهم بس لو تكتبين بلون غير الرمادي بيكون أحسن#good

أمس حاطين خبر في جريدة الامارات اليوم
عن الخدامه اللي كانت تمزج حليب الطفل(18 شهرا) بالبول (أكرمكم الله)
عشان الطفل يتعلق فيها والأسرة ماتتخلى عنها (على حسب معتقداتها)

**Nothing2say** · 03-07-08, 08:40 pm

كلاسيكي مشكور على المرور

ماقريت الخبر .. بس مب اول مره تستوي ... عافان الله عندهم معتقدات غريبة
والمصيبة انهم مسلمات ومتحجبات ويصلن ...

الله يكفي الجميع شرهم ..

إقتباس:

موضوع مهم بس لو تكتبين بلون غير الرمادي بيكون أحسن#good

ان شاء الله من اليوم وساير بكتب بالرمادي الغامج ..