سوالف ع الطاير

**شموخ النخيل** · **سوالف ع الطاير -** 15-07-08, 06:39 pm

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك للمتابعة وإذا لم تكن فيمكنك تسجيل عضوية جديدة مجانا ً ( من هنا )

**desires** · 10:06 pm

إقتباس:

يوم تسافرون شو الأشياء الي تفتقدونها هناك

حجرتي ,,.. لاب توبي ,,.. كتبي ,,.. تقريبا كل شي في بلادي وفي بيتنا

إقتباس:

يوم انه الكل ينتقد اشكال العبايات الملفتة وملابس البنات ف المولات عيل اللي نشوفهم منو اهلهم ؟؟؟

فطرة في الانسان ان يشوف عيوب غيره ومايدري انه مليان عيوب ,,.. والاهل يشوفون بنات الناس ومايشوفون بناتهم

إقتباس:

ليش الحالة المزاجية والوقت تحدد نوع العطر اللي نرشه وأحيانا يستوي العكس؟؟

النفسية تتحكم في كل شي مب بس العطر،تتحكم في اللبس , طريقة الكلام , body language , والصحة ,,.. عشان جذي ناخذ دروس في علم النفس لان احيانا المريض مايكون مريض جسديا بل نفسيا ,,.. ويتحرى مثلا الصداع اللي يجيسه من خلل في جسمه لكن في الحقيقة يكون مثلا من ضغط العمل ,,..

والعكس لان بعد الاشياء اللي حوالين الانسان تأثر في نفسيته ,,.. ولهذا احينه صارت المستشفيات في الخارج تحرص ان غرفة الدكتور تكون ملونة لاراحة المريض نفسيا

إقتباس:

يوم نكون برع البلاد ونشوف أعداد السياح والاجانب من غير العرب المقيمين واللي يشتغلون ف الدولة اللي نكون مسافرين لها ما نستغرب هالشي لكن هني ف بلادنا نحس بالضيق من أعداهم وتزايداهم

هم السياح يروحون عندهم وخلاف يردون بلدانهم ,,.. لكن نحن اللي عدنا ما يردون بلدانهم ومسويلنا زحمة

إقتباس:

للي يسوقون كيف تقضون المسافة وانتو طالعين بالسيارة لمسافة طويلة نسبيا (سوالف بالموبايل ...الاستماع للإذاعة...سماع محاضرة...ما تسوون شي مول))

اذا انا اسوق اسمع الاذاعة او اي شريط عندي ,,.. اذا مب انا اللي اسوق اقرى الجريدة او اي كتاب خفيف و ممتع ,, واحيانا اذا عندي اسايمنت اشل اللاب توب وياي ,,.. وأحيانا أتأمل الشوارع خاصة لأن إضائتها صفرا ,,.. فأحس انه الجو رومانسي لوووووول

إقتباس:

ليش يوم نكون ف السيارة ملاحظاتنا للأشياء تختلف يعني يوم نكون نسوق غير يوم نكون جنب السايق مع انه نمر ف نفس الطريق كل يوم تقريبا

لان اللي يسوق السواقه تلهيه اما اللي يالس حذاله ماعنده شي يسوسه

إقتباس:

وسلامتكم

يسلمو ع الموضوع الحلو والتساؤلات الغريبة !!!!!

**صمت الجرووح** · 15-07-08, 07:40 pm

موضوع حلو

لا تعليق

^^
الله يعطيج العافيه أختي ع الطرح ^^

**بنت الريح** · 15-07-08, 08:47 pm

سوالف حلوة
يعطيج العافية
موفق بإذن الله ... لك مني أجمل تحية .

**شموخ النخيل** · 16-07-08, 01:15 am

desires

إقتباس:

حجرتي ,,.. لاب توبي ,,.. كتبي ,,..

يعني كلنا نفتقد الاشيا المقربة منا وما نستغنى عنها مول

إقتباس:

النفسية تتحكم في كل شي مب بس العطر،

اللي قصدته انه ساعات من الصبح يي ع مزاجي احط عطر قوي مع انه ما يناسب هالوقت من اليوم لكن احس اني ابغي اصحصح شوي واحيانا العكس يوم استخدم عطر هااااااااااااادي

إقتباس:

body language

هاي الجملة انا كارهتنها لانها الحين تدخل ف كل مقابلة وحوار ونقاش وجدال ما عندهم غير لغة الجسد وتحليلها وشو القصد منها ويقعدون يسوون عليها موال ويألفون قصص وكتب عن كل صغيرة وكبيرة ...ذكرتيني بالامتحان الله يسامحج

إقتباس:

لان اللي يسوق السواقه تلهيه اما اللي يالس حذاله ماعنده شي يسوسه

انا وياج ف هالشي .... احيانا يوم اطوف ف شارع معين واكون متعودة عليه ما الاحظ التغيرات اللي مستوية فيه من اول مرة احيانا اسئل نفسي متى استوى هالشي كله معقولة ما كنت منتبهة وما لاحظت هالشي او اني اقول يار بي شو كان هني وشلوه وسووا مكانه هالشي اليديد

شكرا على المشاركة والتواصل

**شموخ النخيل** · 16-07-08, 01:18 am

صمت الجرووح

إقتباس:

موضوع حلو

تحلى ايامج ان شاء الله

إقتباس:

لا تعليق

افا والله ليش عاد

إقتباس:

الله يعطيج العافيه أختي ع الطرح ^^

الله يعافيج

شكرا على المشاركة والتواصل

**شموخ النخيل** · 16-07-08, 01:20 am

بنت الريح

إقتباس:

سوالف حلوة

تحلى ايامج ان شاء الله

إقتباس:

يعطيج العافية

الله يعافيج

شكرا على المرور والمشاركة

**Nothing2say** · 16-07-08, 11:00 am

إقتباس:

يوم تسافرون شو الأشياء الي تفتقدونها هناك انا افتقد

أهلي ، حجرتي ، ((بنتي ,, اذا مب وياي )) ، البلاد بشكل عام

إقتباس:

يوم انه الكل ينتقد اشكال العبايات الملفتة وملابس البنات ف المولات عيل اللي نشوفهم منو اهلهم ؟؟؟

ممكن مب الكل اللي يعيبه ... في حد يشوفه حلو على خواته او حرمته .. يعني ماشي غيره وااااايد

إقتباس:

ليش الحالة المزاجية والوقت تحدد نوع العطر اللي نرشه وأحيانا يستوي العكس؟؟

لان نوع العطر يرتيب في وقت معين او مناسبه ... يعني في عطر يذكرج بأشياء واايد حلوة .. بس قديم .. عادي تستمرين عليه ..
والعكس في عطر يذكرج بموقف مب حلو .. ما تحبينه ..

إقتباس:

يوم نكون برع البلاد ونشوف أعداد السياح والاجانب من غير العرب المقيمين واللي يشتغلون ف الدولة اللي نكون مسافرين لها ما نستغرب هالشي لكن هني ف بلادنا نحس بالضيق من أعداهم وتزايداهم

أضن ماشي عمالة زيادة شرات اللي عدنا .. هم في بلدانهم موزعين بترتيب ..نحن اللي عدنا حدث ولا حرج ..

إقتباس:

للي يسوقون كيف تقضون المسافة وانتو طالعين بالسيارة لمسافة طويلة نسبيا

انا يوم اسير مسافات طويله .. أغلب شي سوالف لان ااكيد حد وياي .. ولا احط اذاعة القرآن ..

إقتباس:

ليش يوم نكون ف السيارة ملاحظاتنا للأشياء تختلف يعني يوم نكون نسوق غير يوم نكون جنب السايق مع انه نمر ف نفس الطريق كل يوم تقريبا

صح حتى المسافات تختلف يووم نكون جنب السايق .. يعني تحسين انتي اللي تشوفينه غير عن اللي هوو يشوفه ...

إقتباس:

وسلامتكم

الله يسلمج على الموضوع الحلو

**hanyfouad** · 16-07-08, 12:57 pm

سوالف حلوه

جزاك الله خيراا

**شموخ النخيل** · 16-07-08, 02:11 pm

Nothing2say

إقتباس:

ممكن مب الكل اللي يعيبه ... في حد يشوفه حلو على خواته او حرمته .. يعني ماشي غيره وااااايد

يوم اكون ف المول واشوف مهرجان الكوكتيل من اللبس والعبايات اقول ف خاطري يا ربي اهلها ما شافوها قبل ما تطلع عادي عندهم هالشي اللي مسوتنه بعمرها وهاللبس اللي طالعة فيه

كل مكان له لبسه اللي يناسبه مب كل لبس اقدر اطلع فيه ف مكان عام مثل المولات والاسواق

إقتباس:

أضن ماشي عمالة زيادة شرات اللي عدنا .. هم في بلدانهم موزعين بترتيب ..نحن اللي عدنا حدث ولا حرج ..

عندنا سوق سمج

إقتباس:

الله يسلمج على الموضوع الحلو

تسلمين

شكرا على المشاركة والتواصل

**شموخ النخيل** · 16-07-08, 02:14 pm

hanyfouad

إقتباس:

سوالف حلوه

إقتباس:

جزاك الله خيراا

تسلم وما قصرت

شكرا على المشاركة والتواصل

**كلاسيكي** · 16-07-08, 09:45 pm

إقتباس:

المشاركة الأصلية بواسطة شموخ النخيل

يوم تسافرون شو الأشياء الي تفتقدونها هناك انا افتقد (صوت الآذان ..نكهة الأكل مالنا ..اللمة ويا اخواني وخواتي ف بيت أهلي)

(صراحه الواحد يشتاق حق كل شيء وكل ماطول في السفره يحس انه يشتاق حتى حق الاشياء البسيطه والصغيره)

يوم انه الكل ينتقد اشكال العبايات الملفتة وملابس البنات ف المولات عيل اللي نشوفهم منو اهلهم ؟؟؟
مافهمت كيف يعني عيل اللي نشوفهم من واهلهم بأي لغه هاي#sun

ليش الحالة المزاجية والوقت تحدد نوع العطر اللي نرشه وأحيانا يستوي العكس؟؟
أعتقد حاسه الشم تتغير على حسب مزاج الشخص

يوم نكون برع البلاد ونشوف أعداد السياح والاجانب من غير العرب المقيمين واللي يشتغلون ف الدولة اللي نكون مسافرين لها ما نستغرب هالشي لكن هني ف بلادنا نحس بالضيق من أعداهم وتزايداهم
لانه هناك نروح لفتره مؤقته ومايهمنا

للي يسوقون كيف تقضون المسافة وانتو طالعين بالسيارة لمسافة طويلة نسبيا (سوالف بالموبايل ...الاستماع للإذاعة...سماع محاضرة...ما تسوون شي مول))
المسافات الطويله والزحمه تملل بالواحد فلازم نضيع وقتنا في السوالف بالموبايل أو سماع الاذاعات ...

ليش يوم نكون ف السيارة ملاحظاتنا للأشياء تختلف يعني يوم نكون نسوق غير يوم نكون جنب السايق مع انه نمر ف نفس الطريق كل يوم تقريبا
لان السايق اكثر شي يكون مركز عالشارع عكس اللي جالس جنب السايق يطالع يمين ويسار وفعلا يوم اكون راكب مع حد استغرب اقول البنايه هاي من وين طلعت والمحل هذا متى فتحوه!! وجي #teath

وسلامتكم

الله يسلمج وشكرا على المشاركه الجميله