كلامج صح إختي نانا نحن ماقلنا ممنووووووووع في جميع الظرووووووف
مثلا أنا لو كنت مكانج بعرف تصرف أهلي معاي كيف بيكون بيعطوني اي موبايل فترت ذهابي للجامعة علشان أحتاجه لكن يوم أرجع البيت أحتاج الموبايل ليش
لكن مثل ماقلت أنا مب شرط لين ماتتزوج البنت على الأقل لما تخلص الجامعة اتكووون راشدة بما فيه الكفاية إنها تاخذ الموبايل وتستخدمه استخدام جيد
لكن قبل جيه أنا ما أيد لان البنت في ها السن تكووون طايشه وما تعرف كيف تتصرف
وارجع أذكركم هاي وجهة نظري

اختي بنت الشارقه ...بس تخيلي شكلي اول ماارجع البيت اعطي الموبايل ابوي واقوله ابوي خذ الموبايل عشان انا مااحتاجه :confused:

انا اهلي اصلا واثقين فيني الحمدلله والموبايل معي في البيت وفي كل مكان احتاجه ولا مااحتاجه ..
وبعدين ياعزيزتي البنت الطايشه مو الموبايل اللي بيخربها هي عندها تلفيون البيت
وبعدين في بنات طايشين وفي بنات مؤدبين ...مافي مرحله تكون فيها البنت طايشه
هذي وجهه نظري ياحلوين

اخواتي العزيزات :

arab - girl

نانا

جمانه

مشكورين على المشاركه .. واختلاف الاراء وارد وطبيعي المهم الكل

يقول رايه , وانا اعتقد ان الموبايل حل وايد مشاكل .... بس بعض الناس

يستخدمونه حتى داخل البيت .. ليش مادام في تلفون ثابت داخل البيت

والا بس دلع ..

كلامك صح ومنطقي بنت الشارجه نعم الموبايل ما يستعمله الا بنت عارفه مصلحتها زين وتعرف ان الموبايل له سلبيات كثيره وكذالك الولد ينطبق عليه ماينطبق على البنيه لأن كلهم واحد0

اختي حوريه احيانا نستخدم الموبايل في البيت عشان الثابت يكون مشغول
مومعناته كل اللي يستخدم الموبايل في البيت دلع
يابنات اعيد واقول كل شي نسبي في الدنيا لا تحكمون على الاشياء كذا كلها

إختي نانا

كل الاهالي واثقين في بناتهم الحمدالله لكن في شيء اسمه خوف عليهم
وعن البنت الطايشه انا اقصد لما الوحدة تخلص الجامعة وتشتغل تكون يالسه تتحمل مسؤولية ولو سوت شيء غلط هي اللي تتحمل المسؤولية الاهل ربوها طول فترة دراستها ولين ماستوت حرمة لكن شوفي لما الاهل يعطون البنت الموبايل وهي بعدها تدرس وفي لحظة طيش ادمر حياتها وتخرب بيتها وتهمل دراستها بسبب الموبايل ها الحين شو بيكون شعور الاهل منو بيتحمل المسؤولية أكيد هم ...هم اللي عطو بنتهم الموبايل عشان تستخدمه في الخير لكن الشيطان موجود حبيبتي ويسوس للبنت لين ما تقع في الغلط
هني الاهل بيندمون الف مرة على اللحظة اللي عطو بنتهم الموبايل
لا تتحرين حبيبتي الموبايل شيء عادي والله شو كثر بنات مؤدبات كانو ومتدينات اختربت حياتهم بسبب الموبايل ولحظة طيش منهم سببها وسوسة الشيطان لهم
أتمنى منج إنج اتكووووني فهمتي قصدي ولا تشوفين نفسج كيف عايشة وتكتبين ...لا شوفي حياة الناس اللي حواليج واكتبي عنهم

ياحبيبتي انا فاهمك قصدك
بس انا أستغرب شي واحد وش الفرق الموبايل عن التليفون العادي
ياما بنات بعد خربت حياتهم وتدمر مستقبلهم من التلفون العادي بعد
ياما بنات راحوا الاسواق وتعرفوا فيها على شباب واختربت بعد حياتهم
الخراب مايجي من الموبايل ولا التلفون العادي ....
كل شي يعتمد على تربيه الاهل ..البنت المتربيه هي اللي راح تستخدمه زين وبعد حتى الولد ينطبق عليه هذا الكلام
الولد المتربي راح يستخدمه زين
مثل النت في ناس يستخدمونه استخدامات سيئه في ناس لا يستخدمونه عادي ...كل شي على حسب التربيه
مافي شي هو اللي يخرب الشخص ...كل انسان هو اللي يخرب بنفسه على حسب تفكيره وافكاره
وكل شي له مساؤه ومحاسنه
واحنا مانقدر نحكم على كل الناس من تصرفات معينه شفناها
ولا من فئه استخدمته استخدام سئ
اتمنى يوصلك كلامي وتفهمينه زين


اختك نانا

اسمحووووووووووووولي والله ..أدري اني وايد متأخرة لأني أصلا ما دشيت المنتدى من فترة و ما أعرف شو اللي يالس يستوي من وراي..

المهم..البنت الخربانة خربانة...سواء عندها موبايل و الا لا..والله ياما أعرف بنات غندهم موبايل و أحسن منهم ما في في القيم و الأخلاق..البنت عندها كذا وسيلة عشان تخترب غير الموبايل..عندها تيلفون البيت..التلفزيون..زميلاتها في المدرسة..السناتر..النترنت..المسنجر..الجات..............ووايد بعد أشياء..
يالله الله يهدي الجميع و يصلح بالم..

اسمحولي عاد..متأخرة و طولت عليكم..
أوه..نسيت أقول رايي..حلو الاسم حزب الحلوات..و أكيد انتي تقصدين الحلوات بأخلاقهم و روحهم مب بويوههم..صح..;) ;) ;)

هلا بنات

يمكن تقولون اللي بقوله معيود ,لكن مثل ما قلو خواتي
المبايل سلاح ذو حدين و ترا البنت الزينه مستحيل تنحرف عن مسارها المستقيم

و البنت الطايشه لو حتى منعوها من المبايل بدور اساليب ثانيه , خاصه ان المبايل ما يفرق عن التلفون العادي ما البيت , لانها ممكن تستخدمه بدل المبايل :rolleyes:
يمكن و جهة نظر البعض غير هاي النظره , يمكن يعتقدون ان النت او التيلفون العادي او حتى السناتر مستحيل اتخرب البنت بس المبايل هو اللي بيخربها :rolleyes:
بس خاطري اعرف ليش الناس يعارضون اذا البنت كان عندها مبايل ؟ و يجوفونها بنظره ادل انها ماشي قمه في الفساد
انا في نظري ها مب منطق .




ولكن ها الشيء ما يفسد من الود قضيه فارجوا من خواتي اللي يعارضوني الراي ما يزعلون .



و السموحه اذا طولت عليكم (:

هلا بنات

إختي نا نا شو إنتي نسيتي نحن عن شو نتكلم نحن احين موضوعنا الموبايل مب التلفون العادي ولا وسائل ثاني كلنا ندري إن البنت ممكن تخترب بوسائل ثانية لكن شو يعني هل يعني إذا في وسائل ثانية تخرب البنت نحن نسير وانقوول للبنت حبيبتي خذي الموبايل نحن مانقدر نمنعج من شيء مدام عندج طرق ثانية جذي نحن من سهل عليها يعني الاهل لو عطو البنت الموبايل بيسهلووون عليها الغلط ...
يعني اتخيلي معاي منظر بنت مؤدبة كانت ومحترمة ومرباية أحسن تربية وتربت على الدين والاخلاق الحسنة اتخيلي منظرها لما يكوووون عندها موبايل واثنين خاص لها وتلفووون خاص في حجرتها وانترنت خاص في حجرتها وتلفزيووون واشتراك art & show time كل ها خاص لها بس ولوحدها تكووون في الحجرة بذمتج هاك الوقت ما بتخافين على البنت لو مثلا كانت بنتج إنتي ما بتخافين عليها أكيييد بييج الخوف إن يوسوس لها الشيطان أو اتأثرت هي بمسلسل شافته وشوي من كلام البنات في المدرسة كلها يمكن في لحظة طيش ترتكب خطأ وأرد وأقوووووول : محد أبدا معصوووووم من الخطأ أتمنى كلامي يوصلج وتفهمين شو أقصد

وحليلكم بنات مسوين اجتماع هاااااا :D



اممممممم


ماادري شوه اقول لكم .....؟؟ :confused:



الله يوفقكم انشالله:rolleyes: ;)