قصتي مع الدريول !! غمضني والله

**عاشق الأبيض** · 20-07-02, 02:04 am

السلام عليكم و رحمة الله و بركاته ..

بغيت اخبركم سالفه ..

ذاك اليوم طلبت من الدريول يوديني سنتر من السناتر في دبي .. و قتله في وقت معين يمر علي ..
المهم انا دشيت و تشريت و حاوطت و اتصلت فيه قتله عشان يمر علي ..

ركبت السياره قالي وين بتسير الحين .. قتله عندك مكان نسيرله في هالوقت ؟؟ قالي هيه

قتله : وين ؟
الدريول : بحر شارجه !!
انا : شو تسوي هناك
الدريول (( دريولنا مطور ترا )) : بسير نشرب كوكتيل
انا : اوكيه سير

المهم وصلنا البحر سرنا شربنا كوكتيل وقفنا عند البحر و تم يسولف ..

الدريول : انته كل يوم يسير سنتر شو يسوي ؟؟ في صديك داخل ؟
انا : لا لا اسير بروحي شوي و اطلع
الدريول : مافي صديكه ؟ خهههه
انا : أي صديقكه أي ***بيط ؟
الدريول : في واجد شباب يطلعون ويا صديك
انا : انا مب مثلهم .. هايل ماعندهم سالفه
الدريول : شو يسوي داخل انته (( وايد يتحرطم ))
انا : ماشي اخذ لفتين و اتشرى و اسير الكوفي و اظهر
الدريول : زيين .. انته أي صف يسير الحين ؟
انا : بسير G11 ..
الدريول : ايواااا .. بعدين في جامعه ؟
انا : لا لا في بعدين قريت 12 بعدين جامعه
الدريول : امم نحن داخل بلاد مال انا في بس لين قريت 11 بعدين جامعه .. انا يوم كنت في جامعه سوي حب مع وحده ..
انا (( مسير وياه )) : شو اسمها
الدريول : اسمها زهره .. انا في حب زهره وايد .. مافي يزاكر كله يفكر زهره وين زهره شو اخبار ..
انا : يا ريااال و ابتليت بالحب و ماذاكرت عيل هااه
الدريول : هيه .. شو اسوي انا ..
انا : انزين زهره وين الحين ؟
لدرويل : زهره داخل بلاد ..
انا : تزوجت زهره ؟؟
الدريول : لا ..
انا : ليششش ؟؟
الدرويل : هو في شيعي وانا سنيي .. ابو مال هو يقول مافي شادي ..
انا : انزين و بعدين ..
الدريول : انا يكلم زهره و قولها انا حب و هي تقول بعد .. هي قول حامد (( اسم الدريول )) انا بشرد وياك بنسير برع بلاد و سوي شادي .. انا قول لا مافي ..
انا : انزين جيه السالفه هاااااه .. الله كريم الله كريم ..
الدريول : الله كريم ..
انا : اقولك سير البيت اتأخرنا ..
الدريول : ان شاء الله ارباب ..

انتهت القصه ..

شو رايكم ؟؟ مب حرام ؟؟ مسكين كان يحبها طلعت شيعيه و ابوها مارضى يزوجها .. مسكييين حاله والله غمضنيييي ..

**السنافيه** · 20-07-02, 02:07 am

حـــ :( :( :( :( (**ر خاطري الريال) :( :( :( :( ـــرام

:p

**عاشق الأبيض** · 20-07-02, 02:12 am

السنافيه ..

مشكوره على المشاركه ..

**عنودي** · 20-07-02, 02:21 am

و حليله و الله

بس تصدق هو فعلا اثت انه ريال

لانه لو كان واحد غيره جان وافق انها تشرد معاه

الله يعينه و الله

عنــــــــ#G#ـــــــــــــودي

**عاشق الأبيض** · 20-07-02, 02:27 am

عنودي ..

مشكوره اختي .. مسكين كان يقولي القصه و في دمعه :rolleyes:

**زعفوور** · 20-07-02, 02:28 am

احليله يغمظ
يالله الله ايصبره على افراقها .........................خخخخخخ

**وعود** · 20-07-02, 02:38 am

:(

**عاشق الأبيض** · 20-07-02, 02:43 am

زعفوور .. الله يعينه مسكين وانت يالس تضحك عليه ;)

وعود .. طولي بالج .. بينسى ان شاء الله .. :cool: ;)

**بومييد** · 20-07-02, 06:48 am

يحليله :(

**الجرناس** · 20-07-02, 07:36 am

يا حليله المسكين

الله يصبره

ما عليه بينسى انشاءالله

:( :( :( :(

**arab_girl** · 20-07-02, 12:52 pm

:( يا حليله

**حب الشارقه** · 20-07-02, 12:56 pm

الله يصبرك على الدريول

الموضوع: قصتي مع الدريول !! غمضني والله

LinkBack

أدوات الموضوع

تقييم هذا الموضوع

عرض

قصتي مع الدريول !! غمضني والله

hi

معلومات الموضوع

الأعضاء الذين يشاهدون هذا الموضوع

ضوابط المشاركة