الموضوع: لعبة الفن الاشتراكي ... !!!!!!

[align=center]بسم الله الرحمن الرحيم
أعضاء إمارة الجرافيكس الأعزاء
يسرني أن ابتدع لعبة الفن الاشتراكي !!!
لا لا يا جماعه .. مكفرتش ولا حاجة .. أنا لسه مسلم ولله الحمد .. بس اللعبة (مش الموضوع) وما فيها اننا هنعمل لوحة هنشترك كلنا (قصدي اللي هيحب يشارك) في رسمها .. نحنا متعودين اننا نعمل لوحاتنا لوحدنا .. وزي ما الواقع بيدل على ان الأعمال الفنية ولله الحمد متميزة .. عاوزين نجرب اننا نغير النمط الفني ده .. في اعتقادي هتكون التجربة مثيرة لأننا هنشوف ازاي الاساليب والأذواق وزوايا التناول الفني المختلفة بتتعاون مع بعض في انتاج لوحة فنية واحدة .. ازاي هتكون اللوحة دي؟ .. دا أمر هنناقشه بعدين وهيكون خلاصة التجربة المثيرة دي

قوانين اللعبة:
يا اخي قبل القوانين اتكلم ازاي هنلعبها .. وبعدين لاحقين على القوانين ... أمّا انك حقيقي واد ترزي ملكش في الالعاب ولا حاجة

أوكي أوكي .. طريقة اللعب:
شايفين اللوحة اللي تحت الكلام ده؟



اللوحة متقسمة قسمين، قسم على اليمين، هنا هيقوم العضو المشارك في اللعبة بكتابة اسمه حسب ترتيب مشاركته ... زي منتوا شايفين .. اسم زرياب في الخانة رقم 1 .. ده معناته ايه؟ .. معناته ان زرياب صاحب اول مشاركة في اللعبة واللي هيه الساعة اللي انتوا شايفينها في نص اللوحة

دلوقتي بأه هيقوم كل عضو مشارك بوضع صورة لحاجة تعمل مع الصور الموجودة في اللوحة موضوع معين .. مش شرط يكمّل العضو المشارك على الموضوع اللي معمول قبله .. ويا ريت انه ميكملش عليه .. الاثارة هتبقى أشوق والتحدي كمان هيبقى أكبر .. المهم .. هيبدا كل عضو مشارك يحط الصورة اللي هيختارها عشان تعمل موضوع مع الصور اللي موجودة قبله لغاية منوصل للمشاركة رقم 7 .. بعدين بقه هنوقف اللعبة عشان نشوف ايه النتيجة

ممكن بأه دلوقتي اتكلم عن القوانين؟
قوانين اللعبة:
1- كل عضو ممكن يشارك بمشاركة واحدة بس

2- المشاركة تكون عبارة عن صورة واحدة بس

3- الصورة لازم تكون بحجم مناسب وتترك مساحة كافية نوعا ما لصور المشاركات المتبقية .. يعني اذا كنت صاحب المشاركة رقم اربعه .. اعمل حسابك ان المساحة المتبقية بعد اضافة مشاركتك تكفي لتلات صور اضافية

4- الصورة المضافة لازم تعمل موضوع (ولو مش مكتمل) مع الصورة أو الصور الموجودة

5- العضو اللي حابب يشترك لازم يدينا خبر قبل ما يشارك عشان نتوقف كلنا عن المشاركة لغاية ما يحط مشاركته

6- فترة التوقف تكون ليوم واحد فقط عشان ندي العضو اللي حاجز فرصة انه يعمل وينزل مشاركته، العضو اللي حاجز ومش هيقدر ينزل مشاركته خلال فترة التوقف هيكون حجزه ملغي .. طبعا هوه يقدر يحجز من تاني .. بس هتبقى الأولوية لغيره من الأعضاء اللي لسه لا حجزوا ولا شاركوا

7- المشاركة اللي مش هتكون متقيدة بشروط اللعبة هنضطر نلغيها

8- في نهاية اللعبة هنقوم باستدعاء ثلاثة اعضاء مش مشاركين عشان يقيّموا المشاركات ويختاروا المشاركة الأفضل من بين المشاركات السبع

9- صاحب المشاركة الأفضل هياخد جايزة لا يمكن يقدر يتصورها دلوقتي .. هنخليها ليه ولبقية لمشاركين مفاجأة!!! ... سدأوني .. والله هتبقى مفاجأة ولا في البال .. وباذن واحد أحد هتكون مفاجأة سعيدة ونافعة
----------------------
يللا بأه .. شدّوا حيلكم وشاركوا ومتكسفوناش .. ينوبكم ثواب جبر الخواطر[/align]

أنا معاكو يا أستاز

[align=center]يا أهلاً وسهلاً بأم عمر ... دا انتوا وجودكم أساسي ... يعني مش هتنفع اللعبة من غيركم ... وبعدين إيه ده؟!!! .. بتتمرني وبتشيلي حديد !!! .. شكلك ناوية علينا نيّة ميعلم بيها غير ربنا ... ههههههههههههه ... عالعموم يا ألف نهار ابيض بطلتكم على الموضوع

أنا بعد اذنك جه في عقل بالي ان اللعبة -مع اني شرحتها بالتفصيل الممل- ممكن تكون غير مفهومة .. قلت بأه إيه .. مندي مثال عليها عشان بس نشرح الفكرة ... اللوحة التالية مثال على ازاي ممكن تكون نتيجة اللعبة:



شايفين مسلاً أخونا الفنان الكبير/ الكتكوت المفترس .. راح عامل ايه .. راح حاطط ورا الساعة تليفون .. أصله بيبرطم .. قصدي بيبرر ده بكون الساعة والتيلفون كلهم من غير أرقام ميسووش حاجة .. منطق مقبول برضه .. بينما اختنا الفنانة المهيبة نجمة الحساء (هههههه .. هيه كان قصدها نجمة المساء .. بس لأنها وقت ما سجلت في المنتدى كانت مسروعه من الفرحة فقامت حطت حرف الـ "ح" بدل حرف الـ "ب" .. "ب"!!! .. "ب" ايه؟!! .. دا شكلي انا كمان غلطت .. لا .. قصدي حرف الـ "م" عشان تبقى المساء ... ومع انها حاولت محاولات ميعلم يها غير ربنا سبحانه وتعالى مع اخونا ومشرفنا الحبيب ملك التزويد انها تعدل الغلطة دي . إلا انه اصلحه الله رفض التعاون معاها عشان تبقى عبرة لكل من يعتبر ومن لا يعتبر كمان .. أصله معندوش يمّا ارحميني في الحتة دي .. هههههههههه .. وبعدين قمنا تدخلنا مع ناس طيبة ..قمنا ايه وهباب ايه يا استاز انته؟!! .. نحنا حنحكي حكاية هنا؟!! .. خلاص خلاص- المهم .. جت بقه اختنا "نجمة الحساء" وراحت ضايفة صورة المتوسيكل بس بعد ما خلّت الساعة هيه الدولاب -يعني الاطار- الأمامي للموتسيكل .. آل ايه؟ .. مهي الساعة دليل السرعه والموتسيكلات اللي من الصنف ده معمولة عشان السرعه . يبقى فيه بينهم علاقة .. برضه منطق مقبول .. اسيبكم بأه مع باقي المشاركات تفهموها لوحدكم

يللا بأه .. ملكومش عذر بعد كده .. عاوزين لعب ومشاركات .. وأنا بهددكم من دلوقتي .. اللي مش هيهتدي من نفسه ويروح مشارك .. أنا .. وبصفتي المشرف هنه همنعه من الاشتراك في اللعبه دي!!!! .. شايفين ازاي .. آديني حذرتكوا .. وعقلكوا في راسكوا تعرفوا خلاصكوا .. يا قوي أنا يا اللي مفيش منّي ... هههههههههههه[/align]

واضح ياابني
متى نبدأ << مقدرينش نصبر!!!

بره الموضوع: مش ملاحظين ان اخونا ابو الوليد مختفي من يومين؟!!
واختنا اماراتية كمان مالها شوف من مدة!!!!

نبدا على طول يا ستنا .. تحبي تحجزي المشاركة رقم تنين؟ .. ازا كنتي مستعدة وجاهزة ادينا خبر هنا عشان نديكي فترة يوم بحاله تعملي وتنزلي مشاركتك الكريمة فيه

صحيح يا ستنا اخونا ابو الوليد وامارتية والبروفسير الصغنن والعامري والشارقه وعماد وشمس الفريج ويوز عني وغيرهم كتير كتير .. أتمنى انهم يرجعوا لينا ويشاركونا وبنقولهم:
عسى المانع خير

أنا جاهزة ياأستاذ

أوكي يا استازتنا الكبيرة في القدر والمنزلة .. ازبطي ساعتك الكريمة .. عندك من الليلادي لغاية بكره الساعة 11 ونص بالليل أو قبل كده ... ومستنيينك يا ستنا على أحر من الجمر المولع

هذي مشاركتي


طرزان اللي متعلق بالحبل اللي يتدلى من الساعة هذا (رقاص الساعة) هههههههههه
وقصدت أن الانسان مرتبط بالوقت اللي هو عمره

الصراحة لعبة حلوة اول مرة تمر علي....

وهذا مشاركتي...




واذا لابد اذكر سبب وضعي هذه الصورة....فلنقول انها الدنيا ...بشكلها المخادع وهي تنظر للانسان وعمره وتستهز فيه

[align=center]يعني قصدك طرزان بيرقص زي رقاص الساعه زي كده يعني؟



إذا كان كده .. يبقى بأه نحنا نقفل اللعبة ونعلنك فايزة بيها .. ههههههههههه .. حقيقي فكرة حلوة وخطيرة وليها بدل المنطق الواحد مناطق عديدة .. ههههههههههههه .. ألف شكر ليكي على المشاركة الرائعه دي . ومستنيين باقي مشاركات اخوانا واخواتنا الفنانين نجوم الإمارة

إلا أنا عندي ليكي سؤال .. ممكن يا ست أم عمر؟ .. أكيد ممكن

سايق عليكي حبيبي وحبيبك النبي عليه الصلاة والسلام تقولي الحقيقة وقدام الملأ:

هوه احنا لا سمح الله ارتكبنا غلطة وإلا آذينا حد بعمل اللعبة دي؟ .. أرجوكي صارحيني انا برضه راجل كبير وحديد وبلعب بليارد وبستحمل الحقيقة حتى ولو كانت مرّه ..

مستني اجابتك [/align]

انا ابي اشترك بعد ممكن و لا لا

بس ما اعرف شلون ممكن احد يعلمني