ممكن توفير هذا الطلب

**بنـ دبي ـت** · **ممكن توفير هذا الطلب -** 12-09-06, 01:48 am

لو في الامكان انا ابغي تو

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك للمتابعة وإذا لم تكن فيمكنك تسجيل عضوية جديدة مجانا ً ( من هنا )

**الجويس** · 12-09-06, 07:07 pm

هلا اختي بنت دبي

كيف تبغين يكون التوقيع ,شوالالوان اللي فيه

وشروطج عليه

وان شاء الله الاخوان هني مابيقصرون وياج

**بنـ دبي ـت** · 13-09-06, 02:01 am

انا ما عندي اي شروط بس توقيع حلو في اقدر استمع على نشيدة يا من ترى حالي ألبوم كل غلاتي

**بنـ دبي ـت** · 13-09-06, 09:37 pm

انا ما طلبت بصراحة بيت شعبي اذا ما تقدرون قولو مب جذي اتهدوني سوولي سالفة ما انتو اتخلون الواحد ما يدخل مرة ثانية بصراحة ما شفت شي حلو هني الا التطنيش

**عبدالعزيز** · 14-09-06, 12:52 am

خليني اقولج انج طلبتي اكثر من بيت شعبي، انتي طلبتي توقيع حق شخص نعتز ويعتز المنتدى بتواجده، وهذا هوه بصراحه السبب اللي مب مخلي حد يتورط ويرد ويدخل في تحد كبير ويا توقيعج، لكن دامج قلتي اللي قلتيه وشكلج زعلانه منا، ترى عاد إلا زعلج، وهذا انا بغامر وباذن الله وبحاول اسويلج توقيع على قد ما اقدر، بس بالنسبه لاضافة الصوت تراني ما افهم فيه، انا بسويلج التوقيع واللي بيتكرم بحل مشكلة اضافة النشيدة يجزاه ربي كل خير، وكله ولا زعل بنت بلادي منا، عساج بس رضيتي على إمارة الجرافيكس؟!!

**بنـ دبي ـت** · 14-09-06, 11:12 am

بصراحة اخوي تشكر على هذا الكلام الكبير لي واشكر بصراحة لاول مرة ادخل هل الامارة ومحد يسويلي سالفة بصراحه صدق زعلت لاني انا عندي منتدى ثاني من قلت ابغي توقيع بصراحة ما قصرة على طول وفرو لي التوقيع وقلت احلى منتدى عندي هذا المنتدى بصراحة وما اتوقعت انهم خذلوني بهل الطريقة من عدم المبالاه من موضوعي سوري على هل الكلام بس هذا الحاصل وجزاك الله الف خير وعلى الرد بصراحة رفعت شوي من معنوياتي كانت تحت

شكرا ثم شكرا

**الصريح جداً** · 14-09-06, 03:01 pm

والله مالي حظ اسويلج

مرتين قاعد اضبطه وخلصصصته كااااامل بسسس في المرتين تكنسل

مرة بالغلط والمرة الثانية سوى ريسارت روحه

يالله ع الحظ ردي

والسموحة اختي لانا طولنا عليج وايد

بس ان شاء الله الشباب ما بيقصروا

ولا لو نشيت العصر بشوفلي

...... " لا تحطي الآمال لانه بسيط بس اهم شي الفكرة

"

وعساكم ع القوة

**بنـ دبي ـت** · 15-09-06, 02:25 am

جاري الانتظار

**عبدالعزيز** · 15-09-06, 02:52 am

سوري على التأخير، هذي محاوله أولى بس عشان نعرف شو تبغين بالضبط، شوفيها وإذا عندج ملاحظات وتبغين تغيرين فيها شي ترانا عند الشوفه، واذا ما تبينها مول ترى مب مشكله، لاحظي ان التوقيع يتكون من جزئين علوي وسفلي وبينهم تقدرين تحطين رابط النشيدة اللي تبينها،

هنيه يأتي رابط النشيدة اللي تبينها

وطبعا الجزء السفلي ايي ويسكر على التوقيع

اتمنى انه يعجبك، واذا فيه ملاحظات حيابها، وحيابج دوم،

**بنـ دبي ـت** · 15-09-06, 09:36 pm

http://www.4shared.com/file/2468256/fa823449/__-__.html
صراحة وايد وايد وايد حلو بس بصراحة انا ما اعرف احطي النشيدة بغيت هاي النشيدة لو ممكن اتحطيها

**بنـ دبي ـت** · 15-09-06, 10:25 pm

شكرا وان شاء الله اشوف منو الي بيحطلي النشيدة

**بنـ دبي ـت** · 15-09-06, 10:39 pm

اخوي بس التوقيع ما طلع كامل ولا هو اصلا جذي بس بالصورة الي انت امسونه احلى لو ممكن تدمجه الخط الي تحت بيكون احلى اعرف ان طلباتي وايد بس عشان يكون احلى