مقترح بطاقة الترحيب بالأعضاء الجدد .. الأخ الكشاف

**ابوماجد**

الأخ العزيز/ الكشاف

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك للمتابعة وإذا لم تكن فيمكنك تسجيل عضوية جديدة مجانا ً ( من هنا )

**الماجد** · **حلو بس.. -** 28-12-01, 09:26 pm

البطاقة حلوة بس في شي ما ادري مب ما عيبتني بس..
تعرف علم الامارات.. اتمنى لو تشيله.. وتحط مكانه شعار الموقع واسم المواقع لانه الوان العلم غير متجانسه مع الخلفية والوردة.. او حل أخر انه تشوف حل آخر واظن انه لو تخفف لون العلم يمكن يطلع احسن.. هذا واان في انتظار ابداعك..

أخوكم الصغير الماجد...

**الكشاف** · 28-12-01, 10:41 pm

يا اخي ابو ماجد تشكر على هاللوحة الجميلة والمعبرة

ما شاء الله ما اسرع ما تجاوبت مع الطلب .

الله يبارك لك

وتسلم ايدينك .

**ابوماجد** · 28-12-01, 10:54 pm

الأخ العزيز/ الكشاف
.
مشكور وجزاك الله خير على الإطراء ، ونحنا ترى ما نقدر نتأخر على طلب أخونا الغالي الكشاف .. طلباته نعتبرها أوامر تشريف.
.
الأخ العزيز/ الماجد
.
مشكور وجزاك الله خير على النقد البناء ، والحين نبغي رايكم بعد ما أجرينا بعض التعديلات على البطاقة بناءً على نقدكم الطيب .. ولا تستحي من أخوك ابوماجد .. تراني محتاج الى أراءكم وآراء الأخوة كذلك ، تعرف نحنا مب دارسين هالموضوع .. لكنا انشاء الله بنعوض هذا بالتعلم من نقدكم البناء.
.
وتقبلوا جزيل تقديري وتحياتي.

**الماجد** · **ما شاء الله... -** 28-12-01, 11:31 pm

سلمت يداك يا بوماجد...
ما قصرت.. 10/10

**بـومــايـد** · 28-12-01, 11:51 pm

تسلم ايديك يا ابوماجد

بصراحه بطاقة الترحيب روعه في الجمال

واعتقدي الثانيه احلى من الاولى

**ابوماجد** · 12:25 am

الأخوين العزيزين/
الماجد
و
بومايد
(شو القصه ؟!! .. الظاهر اسم "ماجد" ومشتقاته بيبقى عقدتي الأبديه .. بس تراه أحلى عقده!!)
.
مشكورين يا الطيبين على الإطراء والتشجيع اللي ان شاء الله بيخلينا نبذل وما نتوقف .. ترى مذاقه وايد حلو !!.. وترى اللوحة -مثل ما اشوفها ويمكن انتوا تأيدوني بعد- انتقلت من مستوى سابق الى مستوى ثاني أفضل .. طبعاً أنا مدين بالشكر الجزيل لملاحظة أخوي العزيز/ الماجد اللي كان لها أثر مباشر وفعال في رفع مستوى اللوحة.
.
وتقبلوا في الختام أعطر سلام وتحيات أخوكم المخلص ابو ماجد.

**الكشاف** · 29-12-01, 12:45 am

ما شاء الله

الشباب موجودين

الآن اللوحة في قمة الورعة والجمال

طبعا ابو مايد اول واحد لطشها لانه في قسم الاستقبل ... كلما دخل عضو ابا ارحب به القاه سابقني . تسلم والله .

وشكرا لك الصراحة اخوي ابو ماجد على اللوحة الأخيرة الصراحة اللان اللوحة جاهزة للتوزيع .

والواحد يعجز عن شكركم .

**الماجد** · **الجميع موافق.. -** 29-12-01, 02:00 am

خلاص اخويه ابوماجد...
الصورة اعتقد الكل وافق عليها... وراح تكون الوصرة الرسمية للترحيب الاعضاء الجدد.. ومن اليوم راح تستخدم

وشكرا لكم على هذا الاقتراح...
والي عنده اعتراض يرفع ايده :D
محد اوكي
انا راح اضع اعلان.. في امارة الاعلانات.. اذا ما عندكم مانع

**موجه مواطن**

روووووووووووووووووووووووووووووووووووووووووووووووووووووووووووعة
شو هالمواهب
والأفكار الحلوة والرائعة
عندي اقتراح .. شو رايكم .. نسوي بطاقات ونبيعها .. ترى ممكن .. لإنه ما شاء الله أفكار ومواهب ومصممين في قمة الروعة ...
.. ها ..الظاهر إنكم نسيتو .. إن الاقتراح كان في الأصل بطاقات ترحيب .. مب بطاقة وحدة .. شدو الحيل ..

الله يحفظكم جميعا

**الماجد** · **ابشركم... -** 29-12-01, 02:39 am

خبر حلو يا جماعة...
البطاقة اتثبتت في كل الامارات مبروكين وشكرا على المجهود الطيب... واسمحوا لي انا ما صممت لانه شغل أخويه كان روعة وعجبني وايد..
على العموم انا حاولت الي قدرت عليه والشغل اتثبت ومبروك يا ابو ماجد تستاهل.. وشدوا الهمة علشان نشل الامارة فووووق

أخوكم الصغير الماجد...