اهداء مني لكم... ادخل وشوف..

**الماجد** · **اهداء مني لكم... ادخل وشوف.. -** 31-12-01, 12:07 am

مرحبا يا جماعة..
ه

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك للمتابعة وإذا لم تكن فيمكنك تسجيل عضوية جديدة مجانا ً ( من هنا )

**الغروب** · **زايد لنا فخر -** 31-12-01, 12:19 am

صدقت أخوي الماجد 00 الشيخ زايد الله يطول في عمره فخر للجميع واحنا نفتخر باللي يفتخر بزايد 00

مشكور على التصميم الحلو وبصراحة انك مبدع ولا عليك زود 000
------------------------------------------------------------------------

**الماجد** · **شكرا لك.. -** 31-12-01, 12:25 am

تسلم لي والله..
بصراحة بو خليفة يستاهل اكثر واكثر..
الله يحفظه يا رب...
تبون الصراحة والله استانس وايد يوم اقول بتصميم شي فيه صورة الشيخ زايد

واحط فيه كل خبراتي السابقة والتي هي قليلة بس الحمدلله

**موجه مواطن**

.. مشكووووووووووووووووور .. أخوي ... الماجد ...
ونعم الاختيار .. ما عليك زود ..
.. الله يطول عمر الشيخ زايد .. ويحفظه لنا ..

**Des4ever** · 31-12-01, 10:25 pm

ما شاء الله عليك اختيار للموضوع كان في محله أخوي و بو خليفة الله يطول في عمره يستاهل كل ها الإحترام و التقدير

____ ____ ___ __ __ _ _

و أخوي عندي بعض النقاط و عندي نقد حول التصميم
_______ ______ _____ ____ ___ __ _

و صحيح إن الأخوة ما نقدو التصميم لكني أحب أنقده شوي لو تسمح

أخوي التصميم شوي شكله غامق خاصة من الأطراف يعني يبغيلك تفتحه شوي
;)
و لو تخلي صورة الوالد زايد - حفظه الله - متداخلة من أطرافها مع الخلفية بيكون أحسن و أفضل

وهذا كل اللي و مع ذلك يتم التصميم قمة في الإبداع و جزاك الله خير أخوي

**الماجد** · **اخويه الاسطول.. -** 01-01-02, 02:56 am

في البداية اشكرك على نقدك الغالي..
انت قلت انه الصورة من الاطراف غامقة.. الهدف من هذا انه انا ركزت الاضاءة بس على صاحب السمو علشان يكون جزء واضح جدا.. او بالأحرى لامع..
يعني بالمختصر المفيد.. الجزء الفاتح يعتبر اضاءة

اما الاقتراح الثاني ما ادري اذا فهمته انا والا لا.. بس بقول لك هدفي شو كان.. لو تلاحظ اليد اليمنى لصاحب السمو طالعة برع الخلفية.. كشكل جمالي..
ما حبيت الصورة تكون متداخلة وايد مع الخلفية.. لانه ما حبيتها تكون معقدة.. كنت حاب التصميم يكون بسيط وجميل...
لانه التصميم البسيط والجميل.. يخلي النفس ترتاح له اكثر..
واتمنى جاوب عليك الغالي.. وفهمت اهدافي وشكرا مرة ثانية على نقدك..

موجة مواطن: شكرا لك يا استاذي وانا سعيد لانه عجبكم التصميم...

ابوماجد: انا في انتظار نقدك الغالي ورأيك في اصورة..

اخوكم الصغير الماجد...

**ابوماجد** · 01-01-02, 03:24 am

العزيز/ الماجد

طال عمركم السموحة على التأخير .. تراني بعض الأحيان تفوت علي أشياء .. بس صدق أني كنت مب محظوظ يوم فات علي لوحتكم الرائعه.

والحين عاد أنا اللي بانقد شغل استاذنا؟!! .. بس شو أسوي ؟!! .. طالما الاستاذ أمر .. نحنا بعد ما لنا أمر..

اللوحة رائعه .. وأنا أأيدك في نقطة الاضاءه اللي انتقدك فيها أستاذنا الكبير الأسطول .. نعم كانت معالجه طيبه .. وأعتقد أن الاضاءه لو كانت متساويه في جميع أجزاء اللوحة .. كنا نوعاً ما بنفقد تركيزنا على الحبيب الغالي اللي في مركز اللوحة .. طبعاً انته ما قصرت في التركيز عليه .. اختيارك أولاً للشكل المربع للوحة يفرض على العين أنها تركز في مركزه بقوه .. وبعد اختيارك للدائره أو الشكل البيضاوي (اللي هوه يعتبر أقوى الأشكال) كان بالضبط في محله .. زاد التركيز وخلاه فرض واجباري وحتمي ..

أما عاد معالجة المربعات الصغيره في أطراف اللوحة فهذا شي طبعاً غاية في الابداع واللطف .. (بس كنت أتمنى لو أضفت مربعات بلون أسود في ركن اللوحة اللي على جهة اليسار من أسفل .. عشان يكتمل لون علم الامارات اللي أعتقد أنك تقصده من ورا هاذي المعالجه) ..

أما عاد معالجة اليد الكريمة اللي طالعه من الشكل البيضاوي .. لا .. وذيل الصقر بعد .. فهاذي في اعتقادي معالجه جداً موفقة .. يعني ربطت بين أجزاء اللوحة وخلتها تكوين واحد (أعتقد أنّا كنا بنفقد هذا الاحساس لو كانت الصورة بالكامل محتواه داخل الشكل الدائري .. بس عاد على منوه .. على واحد محترف؟!! .. طبعاً لا يمكن تفوت) ..

ألحين عاد خلنا نعفد شويه على النص الطيب .. ترى تحريك الجزء الثاني منه الى جهة اليسار كان شغل طيب وجداً موفق .. لأنه يعطي الايحاء بأنه شعر .. والشعر طبعاً مقرون بالموسيقى .. والموسيقى شي تطرب له النفس .. لا خلاص ما بكمل .. انته اللي يدخل وياك يضيع ..!!

بس في شي واحد حبيت آخذ رأيك فيه .. أنا لاحظت أن حواف الدائرة وكذلك يد صاحب السمو رئيس الدولة نوعاً ما حاده .. أعتقد لو شويه تم تنعيمها ومزجها كان بتعطي الانطباع أن اللوحة عبارة عن كيان واحد مب تجميع .. ما أدري شو رأيك؟!!

وتقبل يا الحبيب خالص تقديري واعجابي بفنكم الرائع

**الماجد** · **اوكي تسلموا لي على نقدكم... -** 01-01-02, 03:56 am

اخويه الغالي.. ابوماجد..
في البداية اشكرك جزيل الشكر على نقدك..
راح اتكلم عن المربعات.. انا لما اضفت كل الالوان ما عدا الاسود.. ليش؟
انا ما كنت راح اضيف المربعات من الاساس بس حسيت انه في فراغ ولازم اعبيه لها السبب اضفتهم.. وبالنسبة للون الاسود انت تعرف انه اللوحة اذا فاتحة اللهون الاسود راح تقتلها.. هذا اول سبب.. ثاني سبب.. عدم وجود مساحة في الزاوية اليسرى السفلية.. لها السبب فضلت انه ما اضيفها..
بالنسبة لليد.. معاك حق في هاي انا استعجلت فيها.. وحصل لي لبس.. بس ان شاء الله بحاول اتفدى ها الاخطاء.. وبصراحة نقدكم يعلم الواحد

شكرا لكم.. ما قصرتوا..

**همس القلوب** · 21-01-02, 04:28 pm

... الصراحه أحلى ما فيها بو خليفه الله يطول عمره .....

طبعا محد قصر في النقد ... و اللي علي هو إني اقول روووووعه و تسلم يمينك