الموضوع: رؤوسهن كأسنمة البخت المــــــائله

رؤوسهن كأسنمة البخت المــــــائله !!!

الســــــلام عليكم ورحمة الله وبـــركاته ....

عن النبي صلى الله عليه وسلم أنه قال : ((صنفان من أهل النار لم أرهما قوم معهم سياط كأذناب البقر يضربون بها الناس ونساء كاسيات عاريات مميلات مائلات رؤوسهن كأسنمة البخت المائلة لا يدخلن الجنة ولا يجدن ريحها))



يعني الصــورة اتوقع انهــا واضحـة للجميـع ... !! ..

لاحظنــا في السنــوات الاخيرة ان اغلب الفتيــات يتبعون هذي الطريقة
في وضع الحجـاب .. او الشيلة ...

البنـات سواء كانوا .. متبرجــات او غير متبرجــات .... مطلعين شعرهم ..
او متحجبــات عدل .. !! ...

اللي تحط ريشتين ... اللي تحط قواطي ... اللي تحط غراااش .. !! .. والله يفشلون الواحــد صراحـة .. !! ..

يعني اللي ودي افهمــه ليــش ؟!! ... هل هذا من وجهة نظرهم يزيدهم جمـال .. لا والله ما اعتقد لان كل القبح فيــه ... !! ..

ســـؤالي الان لكم يا أعضــاء شبــاب وبنــات ...

شبــاب ..
شرايكم في هالـنــوع من البنــات .. ؟!! ..
هل ترضـى امك اختك .. بنت عمـك او اي حد من قرايبك تطلع معـاك جي ...
وليش ؟!! ...


للبنــات ..
هل انتي من النوع اللي تسوين هذي النفخـة .. ؟
اذا نعم ... ليش .... ؟!! .... وشنو ردة فعل اهلج .. ؟ راضين او لا .. ؟

اذا كانت الاجابة لا ...
ليش لا ... يعني ما ودج تسوينهــا ؟!! ..
ولا جه في خــاطرج يوم انج تنفخين ... ؟!! ...
ولو طلعت وياج وحده واهيه مسويه جي ... شلون ردت فعلج ؟!! ..


بلييييز اعضــاء مابي الاجوبة تكون فيها مثالية زياده عن اللزوم ... !! ..

خلكم طبيعين ...وصريحين .. لان محد راح ياكل حد ...
هذي في النهاية حياتكم وانتوا حرين فيها ...

بس برايي موضوع يستحق ان احنــا نناقشــه ..

[frame="14 70"]

السلام عليكم ورحمة الله وبركاته
لو تعلم مسلمات اليوم ماذا قال فيهن رسول الله صلى الله عليه وسلم
منذ أكثر من أربعة عشر قرناً، لأمضين بقية حياتهن في الاستغفار
و الندم على ما فعلن، و لا نعني كل المسلمات بل أكثرهن.

فإن غالبية نساء أمة محمد صلى الله عليه وسلم في هذه الأيام
قد فهمن الحجاب الإسلامي فهماً خاطئاً، ليس كما كانت عليه أمهات المؤمنين
و نساء الصحابة رضوان الله عليهن. حتى أن رسول الله صلى الله عليه و سلم
من إعجاز نبوته أنه قد وصفهن في حديثه الشريف دون أن يراهن، بقوله

صنفان من أهل النار لم أرهما، قوم معهم سياط كأذناب البقر
يضربون بها الناس، ونساء كاسيات عاريات، مميلات مائلات
رؤوسهن كأسنمة البخت المائلة، لا يدخلن الجنة ولا يجدن ريحها
وإن ريحها لتوجد من مسيرة كذا وكذا .

باارك الله فيك أخي البوعينين وجزااك الله خير الجزااااااااااء

[/frame]

جزاك الله خير

جزاك الله خيرا على الطرح

فعلا نرى الكثير من النساء الحجاب غير مناسب

و ياليت الاباء و الامهات ينتبهون الى حجاب بناتهن

يزاك الله خير ياخويه على الموضوع ....
لي عوده ...

[align=center]
السلام عليكم ورحمة الله وبركاته

للبنــات ..
هل انتي من النوع اللي تسوين هذي النفخـة .. ؟

الصراحه لا ما اسويها ولا عمري سويتها
ومره سويتها ما عرفت كيف يسونها خخخ

اذا كانت الاجابة لا ...
ليش لا ... يعني ما ودج تسوينهــا ؟!! ..

أولا حرام مثل ما قلت .. ثانيا: أنا وحده بروحي يوم اشوف وحده مسويه اقعد اضحك عليها
واذا سويتها اكيد في اشخاص بيضحكون علي خخخخ وثالثا : شعري خفيف وقصير خخخ

ولا جه في خــاطرج يوم انج تنفخين ... ؟!! ...

نبى الصدق جربت مره اسويها بالبيت بس ما عرفت كيف يسونها

ولو طلعت وياج وحده واهيه مسويه جي ... شلون ردت فعلج ؟!! ..

عادي لانه في ناس من اهلي ومن ربعي يسون ويعرفون انه حرام واحيانا اضحك عليهم وعلق عليهم
الحمدالله انهم ما يزعلون مني خخخخ

وربي يهدي الجميع
[/align]

الله يعطيكم العافيه ع المرور

فعلا فعلا فعلا أخي الغالي وضعت يدك على الجرح ،،،
وقد لاقى المرء من قلة أدب نساء اليوم "إلا من رحم ربي" أدى كبيرا ،،،
وقد استأسدن النساء وأصبحن مترجلات ، طبعا"إلا من رحم ربي" وهم قليل....
ولذلك فقد وقع اختلال رهيب في منظومة المجتمع ،،، وأصبح التفكك السمة البارزة ....
رحم الله أيام السلف....

وعليكم السلام رحمة الله وبركاته

بصراحه موضوع يباله نقاش...

في الآونه وايد انتشرت هاي الطريقه ....

وانا عن نفسي جربت مره وحده بس كلش ما ظبطت عندي...


وبصراحه اتمنى الكل يبتعد عن الطريقه هاي

السلام عليكم ورحمة الله وبركاته

بارك الله فيك يا سليل الاحرار

يزاك الله خير أخويه ..

المشاركة الأصلية كتبت بواسطة قصااااااايد

وعليكم السلام رحمة الله وبركاته

بصراحه موضوع يباله نقاش...

في الآونه وايد انتشرت هاي الطريقه ....

وانا عن نفسي جربت مره وحده بس كلش ما ظبطت عندي...


وبصراحه اتمنى الكل يبتعد عن الطريقه هاي

اشكرك كل الشكر عاى الصراحه الله يعطيك العافيه