قمة الإسترخاء و المتعة في مريديان العقة وما جاورها !! - الصفحة 2

**خلية النحل** · 19-07-08, 04:55 pm

صمت الجرووح

إقتباس:

ياااااااااي
شكلها رحله حلووه بس الدرب يتعب في الحر لوول

الحمد الله الرحلة وااايد حلوة و الطريج ممتع و الله يخلي المكيف ..

إقتباس:

عاد أنا انتظر يوم دخلتو الفندق

جريب إن شاء الله ,, لا تستعيلين ..

إقتباس:

بس تعال يا خوي ليش ما وديتنا معااااك ...........
أول شي بنشوف تكمل الرحله بعدها بنقرر نروح ولا لأ

حاضرين بس أنتي قدمي طلب وبنشوف الموضوع ..

إقتباس:

يسلموووووووو خيو ع الصور
الله يعطيك العاافيه ^^

ربي يسلمج من الشر ,, و يعافيج من كل مكروه ..

الجويس

إقتباس:

رحله سعيدة اخوي خليه النحل

الحمد الله كانت رحلة سعيدة وجميلة و ممتعه ..

إقتباس:

في انتظار التكمله

جريب إن شاء الله ..

إقتباس:

ولاتنسى الصور الحلوة>>>>>>اهم شي الاكل

حاظرين للطيبين بس تعرفين أني مسوي رجيم #teath

**خلية النحل** · 19-07-08, 05:03 pm

عيد الرميحي

إقتباس:

ما شاء الله تقرير من بدايته حلو ومشوًق , ننتظر منك البقية اخوي

تسلم على هذا الإطراء ,, و إن شاء الله التكملة جريب ..

إقتباس:

مشكور والله يعطيك الف عافية

ربي يعافيك من كل شر دنيا وأخرة ..

صدى الأحزان

إقتباس:

السلام عليكم ورحمة الله وبركاته

وعليكم السلام ورحمة الله و بركاته

إقتباس:

بااااااااااااال كل هالطريج والدواوير عسب فندق

ارقد لي بالبيت ولا اطق هالدرب

كل شي يهون لأجل الراحه ,, رقاد الفندق غير عن رقاد البيت ..

إقتباس:

بس الصوررر رووعه ما عليهم كلاااام

ونتريا التكمله وخاصة الاكل مثل ما قالت جوجو

تسلمين على الإطراء ,, التكملة جريب إن شاء الله بس ليش أنتوا يوعانات جذا ..

**خلية النحل** · 19-07-08, 08:11 pm

في البداية أشكر كل من شارك في بداية الموضوع ..

ثانيا نسيت أحطي إحداثيات الفندق و هي التالي : N 25 30 , E 56 21

===================================

بعد ما سلمنا السيارة عند الباب ودخلنا الفندق سوينا شك أن طبعا تدفع قيمة الغرف للمدة إلي تبغي تمكث فيها و تحط فيوقها 500 درهم يا كاش أو بالفيزا ,, طبعا فطورنا راح يكون في المطعم التايلندي فوق عند الريسبشن و عشانا في المطعم إلي تحت ,, بعد هذا ركبنا المصعد متجهين للغرفة وهناك أربع مصاعد ..

الحمد الله وصلنا الغرفة ..

الغرفة من الداخل ..

أول ما تدخلون الحمام وانتوا بكرامه راح تشوفون المغاسل ..

على اليمين راح يكون ( المرحاض ) و أنتوا بكرامه ولها باب خاص ..

و هنا الشور ..

و هذا البانيو ..

عيبني البط ..

و هذي بلكونت الغرفة ..

و هذي صور من بلكونت الغرفة ..

صور ليلية من البلكونة الجميلة ..

في لعبتني كبار تحت ( الشطرنج , و لعبة الفعاية )

طبعا الفندق يتكون من 21 طابق غير الرسبشن و طابق المطعم و طابق الأرضي ..

الغرف من الطابق 1 إلى 14 عبارة عن الغرف العادية بعضها فيها بلكونه و البعض الأخر بدون بلكونة و إلي فيها بلكونة أغلا عن الثانية بـ150 درهم تقريبا ,, أما من الطابق 15 إلى 20 فهي للغرف رويال كلب و الطابق الـ21 ما عيبني أسمه فما سرت اعرف شو فيه ,, الطابق UG يوجد فيه الرسبشن و محلات تجارية و المطعم التايلندي و كوفي ,, الطابق LG يقع فيه المطعم ( بوفيه ) و فيه مخرج للساحه الخارجية للفندق ( المسابح و البحر و غيرها ) ,, الطابق B يقع فيه الجم ( قاعة الرياضة , سونا , جاكوزي ) و فيه محل للأشياء التذكارية و محل لشراء ملابس السباحة ,, أيضا في مكان للبليارد و تنس طاولة و ألعاب ألكترونية و أسكواش ..

تذكرون أني قلت لكم أنه للغرف رويال كلب فيه مكان مثل الكوفي تيلس و تطلب منه أي شي إلين الساعه 10 بالليل ..

هذا المكان في الطابق LG يلسون فيه الأجانب يتحنن ..

و هنا طاولات مطعم البوفيه ..

و إذا نزلنا للطابق إلي تحت و مسماه B راح نشاهد..

و هذي القطع إلي تستخدم للعب ,, قيمة الواحدة 5 دراهم ..

و إذا طلعنا برع بنشوف البحر الرائع الحلو النظيف ..

أنتظروا عن قريب طريق خورفكان و المعالم التي فيها ..

السموحه منكم على القصور ..

تحيتي لكم

**desires** · 19-07-08, 08:14 pm

سرناله في الاشتاء ,,.. الصراحه ماعليه كلام بس القهر يوم تشوف الاجانب وهم منسدحين ع البحر ولا ع الحوض ,,.. الواحد كم بيغض بصره ,,.. استغفر الله ,,.. الوالده طول الوقت تتحرطم عليهم هههههههه
بس المنظر فنان يلا بانتظار الجزء الثاني

**desires** · 19-07-08, 08:23 pm

اوبس سوري ما انتبهت انك نزلت الجزء الثاني ,,..

عجييييييبة الصورة ,,. واااااااااااايد عيبتني ,,.. ماشاء الله ماخليت شي ,,.. حتى الحمام _ وانت بكرامه _ صورته ,,.. وليش مب قايل جييييزز في الصورة اللي طالع فيها .. >> أسولف

كخخخخ ذكرتني بالبط يوم واحد شفناهم وخلاف ضاعوا والبركة في اليهال ,,..

يلا في داعة الله وبانتظار يديدك

**خلية النحل** · 19-07-08, 08:26 pm

desires

هلا فيج دكتورتنا في الموضوع ..

و مثل ما قلتي ما عليه كلام بالمره ,, و الحمد الله يوم كنت هناك كان في غيم وهوا يعني ما شي حريم مسدحين و هذا شي واااااااااااايد فادنا ..

إقتباس:

بس المنظر فنان يلا بانتظار الجزء الثاني

الجزء الثاني نزل وترومين تشوفينه ..

**خلية النحل** · 19-07-08, 08:33 pm

desires

الحمد الله أنج شفتي الجزء الثاني ,, و الحمد الله أن الصور نالت على الإعجاب ..

أما عن البط فيا حلاتهم يخبلون

ربي يحفظج و إن شاء الله القادم أحلى ..

**صمت الجرووح** · 20-07-08, 02:23 pm

بااااااااااااااااااااااااااااااااااااااك^^

بصرااااااحه المكان روووووووووعه ما عليه كلام

عندي هالصوره قبل يومين انا أختي يالسه ندور صور عن الطبيعه لقيتها

بس بليل احلى عيبتني ^^ روووووووعه

يسلموو اخوي عا لجوله الحلوووووووووووه
ما عليه كلام المكاان والتصوير فنتك ^^
سلمت اناملك اخوي ^^

**الرنين** · 20-07-08, 10:08 pm

ما شاءالله الصور وااايد حلوة..وأحلى شي صور البحر..
يعطيك العافية بوفطيم.. وننتظر الجزء الثالث..

**صدى الأحزان** · 20-07-08, 11:37 pm

السلام عليكم ورحمة الله وبركاته

المكااان حلووو الصراحه ما عليه كلااااااام

بس الطررريج يتعب الواحد

اهلي كانوا برحون قلت لهم حلات النوم في غرفتي خخخخ

ويعطيك العافيه على الصور الحلوووه

**خلية النحل** · 22-07-08, 04:27 pm

صمت الجرووح

تسلمين على الإطراء و الحمد الله أن الصور نالت على الإعجاب ..

الرنين

تسلمين على المتابعة ,, و في شي أحلى من البحر إذا كنت تبغي تريح راسك بس أيلس وأسمع صوت الموج و شوف حركته ,, ياربيييييييي شي عجب ,, ربي يعاطيج العافية على المشاركة وإن شاء الله عن جريب بحط الباقي ..

صدى الأحزان

و عليكم السلام و رحمة الله و بركاته ..

أنزين إذا بتزهقين من الطريج نامي في السيارة ..

و هناك كملي رقادج ..

تسلمين على المشاركة و المتابعة ..