الموضوع: قمة الإسترخاء و المتعة في مريديان العقة وما جاورها !!

بسم الله الرحمن الرحيم

في بداية هذا الأسبوع قلت خلني أغير جو في البلاد << دامني مابسافر :( ,, المهم قررت أني أروح فندق مريديان العقة في الفجيرة الخلابة بالهدوء و الراحه و الجو الجميل ..

نوع الغرفة : رويال كلب ..

سعر الغرفة : 998 للليلة الواحدة ..

مميزات : الإفطار + العشاء ( مجانا ) ,, يوجد مثل مقهى لهذه الغرف تطلب أي شيء ( مجانا ) ..

الرحلة

بما أني من سكان الشارقة الحبيبة فكانت البداية من خط الذيد الذي يأتي في بدايته المدينة الجامعية ..

طبعا لازم نتزود بالوقود ,, قبل ما نتوهق ..

ملاحظة مهمة لكل من يسوق على هذا الشارع ,, من بدايته حتى التقاطع الـ5 الرادار يمسك على 120 و بعد التقاطع الـ5 إلى دوار الذيد الرادار يمسك على سرعة 140 ..

عند تقاطع 9 بتشوفون النصب التذكاري حين حصلت الشارقة على عاصمة الثقافة ,, و بيكون عند هذا التقاطع مجمع لكثير من الأشياء منها ( مركز الجزيرة العربية للحيوانات ) ..

طبعا تاخذون طريجكم لا يمين و لا يسار ..

قبل تقاطع رقم 12 راح تشوفون على يديكم اليسار محمية الظليما ..

و أخيرا وصلنا دوار الذيد ( ميدان الحصن ) طبعا ناخذ هذا الدوار يسار ..

بعد دوار الذيد ناخذ الدوار إلي عقبه يمين وبعدين على طول سيده راح نشاهد أننا دخلنا في الأجواء الجبلية ..

طبعا بنمر على سوق الجمعة ,, هذا السوق يضم كل شيء من فواكه و أشياء تراثية و سجاد و غيرها الكثير ..

بعد ما نطوف سوق الجمعة و نمشي قليلا بيجينا دوار مسافي الكبير ,, يا يمين أو يسار مافي سيده لأنه بيدخلنا معسكر الجيش ,, طبعا نقدر نروح من أي جهة لكني أنا اخترت أخذ الدوار يسار ,, طبعا راح يتحول الشارع إلى رايح جاي ..

بعض من مناظر الطريق ..

بعد هذا بنمر على مصنع مياه مسافي ..

طبعا لانغير طريقنا على طول سيده ..

بيجينا تقريبا 3 دوارات أو أكثر ,, هذي بعض من أشكار الدوارات ..

بعد ذلك بيجينا فندق جال ,, تحت إدارة يابانية ( من زاره يمدحه ) ..

و بعد هذا الفندق بقليل بنشوف البحر الخلاب ..

في النهاية بيكون هناك دوار القرش ( بعده ما خلص ) يعني وصلنا الفندق ..

إن شاء الله التكملة عما قريب ,,

و أسمحولنا على أي تقصير ..

تحيتي لكم

تقرير رائع.. وصور راائعة..
الظاهر سوق جمعة كان فاضي ..
وإن شاءالله استانست في الفجيرة..

وشكراً..

بعد ذلك بيجينا فندق جال ,, تحت إدارة يابانية ( من زاره يمدحه ) ..

فعلا فندق جال الفجيرة وايد حلو والموقع ماله روعة انت والبحر سيدا انا حطيت صورة من الفندق ف موضوع كوكتيل 2


سوق الجمعة هذا مقرر رسمي على كل حد يمر مناك لازم نوقف ونتشرى منه واهم شي الذرة

تسلم بوفطيم على التقرير الحلو والعرض الرائع #good

تقرير حلو ماشاء الله ...

التغيير حلو ... حتى لو يوم واحد ..
ترد كأنك ساير فترة ...

بس انا العقة اللي ما احبه فيه ان وااااايد بعيد عن داخل المدينة .. يعني اذا بتسير تبى شي .. مشوااار

يعطيك العافية على الصور الحلوة

الرنين

تقرير رائع.. وصور راائعة..

هذا من ذوقج خيتو ..

الظاهر سوق جمعة كان فاضي ..

كان فاضي مره ,, لأني خطفت عليه الظر على الساعه 3 تقريبا ..

وإن شاءالله استانست في الفجيرة..

الحمد الله كانت رحلة جميلة وشيقة وغيرت جو ..

وشكراً..

عفوا و تسلمين على المرور و المشاركة ..


شموخ النخيل

فعلا فندق جال الفجيرة وايد حلو والموقع ماله روعة انت والبحر سيدا انا حطيت صورة من الفندق ف موضوع كوكتيل 2

تسلمين على هذي الإضافة ,, و إن شاء الله يكون لنا تجربة في هذا الفندق ..

سوق الجمعة هذا مقرر رسمي على كل حد يمر مناك لازم نوقف ونتشرى منه واهم شي الذرة

هي و الله صدقج ,, بس تعرفين أنا ما حب أوقف عنده عسب الزحمة و جذا ,, لكن إلي معاي مايطيعون لازم ينزلون ..

تسلم بوفطيم على التقرير الحلو والعرض الرائع #good

ربي يسلمج وييسلم غاليج ,, و مروركم الرائع هو إلي محلي التقرير ..

تحيتي لكم

Nothing2say

تقرير حلو ماشاء الله ...

مروركم و مشركتكم في الموضوع هو الأجمل ..

التغيير حلو ... حتى لو يوم واحد ..
ترد كأنك ساير فترة ...

صدقتي يوم ترد تحس عمرك فرش و تكون متفيج حق العودة للشغل و أمور الحياة الاخرى ..

بس انا العقة اللي ما احبه فيه ان وااااايد بعيد عن داخل المدينة .. يعني اذا بتسير تبى شي .. مشوااار

هو العقة بعيد عن مدينة الفجيرة لكنه قريب من خورفكان وتبعده تقريبا 10 دقايق ,, وأحسن بعيد عن ضجة المدينة و سياراتها ..

يعطيك العافية على الصور الحلوة

ربي يعافيج من كل شر دنيا وأخرة ..

تحيتي لكم

وين الصور الي داخل الفندق؟؟؟؟

بس شوارع في شوارع

أبو المسيطر

وين الصور الي داخل الفندق؟؟؟؟

بس شوارع في شوارع

بشويش علينا يا خوي ,, الله يسامحك ويغفر لك ذنبك في نهاية الموضوع كتبت ( إن شاء الله التكملة عن قريب ) شكلها طافت عليك ..

ياااااااااي
شكلها رحله حلووه بس الدرب يتعب في الحر لوول

عاد أنا انتظر يوم دخلتو الفندق

بس تعال يا خوي ليش ما وديتنا معااااك ...........
أول شي بنشوف تكمل الرحله بعدها بنقرر نروح ولا لأ

يسلموووووووو خيو ع الصور
الله يعطيك العاافيه ^^

[align=center]

رحله سعيدة اخوي خليه النحل

في انتظار التكمله

ولاتنسى الصور الحلوة>>>>>>اهم شي الاكل

[/align]

[align=center]
ما شاء الله تقرير من بدايته حلو ومشوًق , ننتظر منك البقية اخوي

مشكور والله يعطيك الف عافية
[/align]

[align=center]
السلام عليكم ورحمة الله وبركاته

بااااااااااااال كل هالطريج والدواوير عسب فندق

ارقد لي بالبيت ولا اطق هالدرب

بس الصوررر رووعه ما عليهم كلاااام

ونتريا التكمله وخاصة الاكل مثل ما قالت جوجو
[/align]