الموضوع: دروس مفيدة عن السيارات ومشاكلها

السلام عليكم و رحمة الله و بركاته ،،
الحرارة خطر لايستهان به قد يكلف الكثير في حالة الإهمال لا سمح الله
و تعاني بعض السيارات من مشكلة ارتفاع حرارة المحرك وهناك أكثر من سبب لهذه المشكلة :
1- تعطل ضبط حركة المياه في المحرك (البلف) والذي يقوم بالتحكم في درجة حرارة المحرك .
2- تعطل اتوماتيك المروحية مما يجعل المروحة لا تدور بالسرعة الكافية .
3- تهريب ماء المبرد (الرادياتير) .
4- تعطل طرمبة الماء .
5- انسداد العادم ( الشكمام ) .
6- انسداد المبرد ( الرادياتير ) .
7- عوالق ( تراب , اوراق الاشجار ) بين مبرد المحرك و مبرد المكيف .
8- تعطل مروحة التبريد في سيارات الدفع الأمامي ، والتي تدار بمحرك كهربائي منفصل عن محرك السيارة وهناك جهاز استشعار يتحكم بتشغيل أو إيقاف المروحة حسب درجة حرارة المحرك .
تحــــcycloneـــيات

مشكور أخوي cyclone على المعلومات القيمة، واسمحلي أضيف كذلك
أن بعض السيارات المستوردة من الخارج، قد ترتفع حرارة محركاتها في
ظروف بلادنا الحارة، لعدم ملائمتها للسير في مثل هذه الظروف، وشكراً.

تسلم على هذى المعلومات اخوي cyclone

الله يسلمكم

عندي حل مجاني لهالمشكلة ....

استعملوا السيارة في الشتاء بس والصيف خذوها معاكم اوروبا تصيف هناك .....

أمزح لا تصدقون

أحب ازيد على كلام اخوي

في سبب رئيسي لارتفاع درجة الحرارة المفاجأه في المحركات وهي خلط الماء مع زيت المحرك ويرجع سبب هذا الخلط بسبب تلف في ( الجاز كيت ) أو الواشر الذي يفصل رأس المحرك عن جسم المحرك أو تلف ال( البوشات ) وهذا الشي سبب رئيسي لارتفاع درجة الحراره ..

نصيحة .. لتجنب ها الضرر
حاول أنك تسخن السيارة قبل ما تسوقها

هذا جواب الأخ صاحب الرسالة الخاصة عن الباك فير ..

الباك فير ما هو ..

الباك فير هو ناتج عن احتراق رذاذ الوقود المتبقي في العادم
وهذا مثال


:::::::::::::::::::::::::::::::: كيفية عمل الباك فاير :::::::::::::::::::::::::::::::::::::
في جهاز اسمه باك فاير سستم ينباع بـ 400 درهم جهاز كامل مع التركيب ...

أما اذا حاب انك انت تسوي ها الجهاز فهذا شي راجع لك ويكون شغل ايدك ..

::::::::::::::: الخطوات ::::::::::::::::
اول شي لازم تركب لك كويل يديد وهذا طبعا ما يضر وتقدر تركبة عند اي كهربائي ويضبط لك اياه بحيث انه يركب لك فيه فص كل ما ادق الفص يبدا الكويل يوصل الكهربا بعد ما تضبط الكويل خلاص تقريبا انتهينا من تركيب الباك فاير سستم ..
الحين شوفوا ها الرسمه :-


هذي رسمه للأقزوز وكل شي فيه واضح بس في غلط في الرسمه ان المسافة بين البلك ودبة الأقزوز تكون من 6 الى 7 انش لا اكثر ولا أقل ..

وطبعا الواير الي موصل في البلك يكون موصل في الكويل اليديد الي ركبتة ومن تضغط على الفص وانت دايس على دواسة البترول بيكون في رذاذ من البترول بعده ما احترق فيوصل عند البلك الي انت ركبتة وها البلك بيولد شراره والشراره بتحرق الرذاذ الزايد وبها الحركة راح اتشوف لهبة طلعه من الاقزوز طولها يمكن متر
شوفوا ها الصورة وبتفهمون ان شاء الله :-



نصيحة : اذا بتركب الباك فاير سستم ما انصحك انك تكثر من الحركة لان اصلا التنفيل بالسيارة مضر للمكينه اذا ركبتة استعمله من وقت لين وقت عسب اتحافظ على السيارة

:::::::::::::::::::::::: نهاية الدرس :::::::::::::::::::::::::
يالله الي بيطبق يصور ويراوينا وأي استفسار حاضرين

ملك التزويد

مشكور اخوي على الشرح بس عندي سؤال ؟؟


على السرعات العالية كيف وضيعته رح تكون .خاصة اذا وصلناه دايركت و الا لازم كويل خاص به ؟؟



تحياتي اخوي


الحر الاشقر

راعي البي ام

أخوي الحر لا يباله كويل خاص واتوصله دايركت بالشمعه واتخليه يركب لك فص عسب تتحكم متى تبغي الباك فاير يظهر ..
يعني ...
اتم اتنافل وادق الفص والفص راح يوصل الكهربا من الكويل الين البلك وتبدا الشمعه اتسوي الشراره ويحترق البترول الي يظهر مع التنفيله

مشكور على الاستفسار وحاضرين

فهمت عليك اخوي في هالحالة رح اسوي هالعملية ..

ممكن اسماء محلات يبيعون السيستم كامل بالشارجة او دبي .


بعد عندي سؤال طال عمرك ,,, صار لي فترة ادور على بلازما كويل و مو محصل ( كويلات بي ام ) بس نوع بلازما ( قريب من الـ MSD ) خاص للبي ام و ما حصلت عندك فكرة عنهم لانه بامريكا سعر الـ 6 كويلات 1500 دولار


مشكور اخوي مرة ثانية




الحر الاشقر

اخوي الحر البلازما محد يستخدمها الحين لان الام اس دي افضل بكثير من الكويلات نوع البلازما لاكن ان حبيت موجودات في الشارجه عند محل اسمه شالنجر ولاكن عن اسعارهم ما عندي فكره
........

عيوني الثنتين لك

حبيبي ملك التزويد المشكلة ان الـ ام اس دي ما يركب على البي ام لانها على كل شمعة احترق (بلاك ) كويل خاص فيها و ما حصلت شي حق البي ام


ع العموم مشكور اخوي و فديتك و الله


تحياتي


الحر الاشقر