النتائج 1 إلى 7 من 7
  1. #1
    الصورة الرمزية زرياب
    زرياب غير متواجد حالياً فارس متميز
    تاريخ التسجيل
    Aug 2003
    المشاركات
    385

    الدرس الأول في اللير ستايل

    [align=center]السلام عليكم ورحمة الله وبركاته

    آسف على التأخير، وعشان منتأخرش أكتر، يللا نبدا الدرس:

    أولا: إبدأ برنامج الفوتوشوب، وبعد ما يفتح اختار قائمة file ومنها اختار new، طبعاً هتظهرلك نافذة new، ا**ط المتغيرات اللي فيها حسبما هو واضح في الشكل التالي:



    اضغط أوكي عشان يبدا الفوتوشوب بفتح ملف جديد.

    تتكون شاشة الفوتوشوب عادة من العناصر المبينة في الشكل التالي:



    دلوقتي بأه، وعشان نبدا بشكل سليم، خلونا نهيئ ساحة العمل، عشان نعمل كده، اختار قائمة window اللي قبل قائمه help، ومنها انزل على workspace ومنها اكرمني وانزل على reset pallete locations واضغط عليه بالماوس ... هتلاقي جميع النوافذ اللي على ساحة العمل اترتبت من جديد، حاجة تانية كمان من المفيد اننا نعرفها ونعملها، واللي هيه اعادة ضبط الألوان ... شايف المربعين الصغننين اللي لونهم أسود وأبيض ... أيوه اللي تحت في الـ tool box ... هتلاقي تحتهم كمان مربعين زيهم بس أصغر منهم ... انقر عليهم بماوسك الكريم عشان يبقى لون الخلفية أبيض ويبقى لون المقدمة أسود، الشكل التالي يوضح عملية تهيئة ساحة العمل بشكل سليم:



    ثانياً: من الـ tool box اختار أداة الشكل shape، اضغط عليها وخليك ضاغط وانت هتشوف قائمة جانبية اتفتحت ... اختار منها الشكل البيضاوي ellipse زي مهو باين في الشكل التالي:



    دلوقتي بأه انتقل لساحة العمل وارسم شكل بيضاوي عن طريق الضغط على زر الماوس في أي مكان من الجهة العلوية اليسرى من ساحة العمل، وبعدين بسحب الماوس والتحرك بيه جهة الجهة السفلية اليمنى ... زي مهو باين عندك في الشكل التالي:



    ثالثاً: نروح لشريط القوائم واختار منه قائمة layer (القائمة الرابعة من على يمين قائمة file) ومنها انزل على layer style ومنها اختار color overlay زي مهو باين عندك في الشكل التالي:



    بعد ما تختار color overlay هتلاقي نافذة جديدة –وكبيرة حبتين- اسمها layer style ظهرت قدامك زي مهو باين في الشكل التالي:



    ... النافذة دي أهم نافذة في موضوع اللير ستايل ... بس دي شكلها معقدة وغلبه حبتين!!! ... متخافش .. دي أحلى نافذة ممكن تشوفها في الفوتوشوب ... مفيدة أوي أوي ... لاحظ بقه معايا التالي هنا ان النافذة متصممة بالطريقة التالية:
    الستايلز styles موجودة على الجهة اليسار وقدّام كل واحد منها مربع اختيار ... ان اخترته او ضغطت على الستايل هيروح الفوتوشوب مطبق الستايل ده على اللير اللي انته فيها ... من هنا جه اسم Layer Style ... يعني الستايل اللي بيتطبق على اللير
    بينما اللي على يمين الستايلز styles هيه متغيراتها ... يعني الحاجات اللي عن طريقها تقدر تغير وتعدل وتضبط الستايل حسب ما تحب ... وهنا بقه تتجلى روعة الـ Layer Style ... أول متبقى متمرس في ضبط المتغيرات دي ... هيبقى البعبع والعفريت اللي اسمه Layer Style تحت امرك وبيعمل اللي انته عاوزه زي مهنشوف دلوقتي

    رابعاً: خلونا نغير لون الشكل البيضاوي عن طريق الـ color overlay ... اللون الافتراضي (واللي باين في المستطيل الصغنن على يمين نافذة layer styel) هنا أحمر زي منته شايف في الشكل السابق ... عشان نغير اللون نقوم عاملين دبل كلك على مربع اللون ده ... بعد ما نعمل ده هتظهر لنا نافذة جديدة فيها ألوان ... نختار اللون الأزرق ونديها ok زي مهو باين في الشكل التالي:



    دلوقتي لون الشكل البيضاوي بقى أزرق ... تقدر تتأكد من ده عن طريق الضغط على زر ok في نافذة layer style وتخرج منها ... بس خليك من شكك ده .. وابقى معانا هنا وكمل الدرس.

    خامساً: دلوقتي هنعمل تأثير التجسيم للشكل البيضاوي ... التأثير ده غاية في الروعه ... وانته في نافذة layer style اطلع لغاية bevel and emboss واعمل عليه دبل كلك بالماوس وانته هتشوف نافذة layer style تغيرت حبتين واصبحت متغيراتها زي مهو باين في الشكل التالي:



    اكرمني وغيّر متغير size الموجود في مجموعة structure وخليه يبقى 59 زي مهو باين عندك في الشكل اللي فوق

    التجسيم هنا ليه عدة أنواع ... تقدر تختار منها اللي انته عاوزه ... عشان تعرف أنواع التجسيم المتوفرة .. في نفس مجموعة structure وعند المتغير style اضغط على السهم الصغنن المتجه لأسفل وانته تشوف قائمه منسدلة بخيارات التجسيم اللي ممكن تطبقها زي مهو باين في الشكل التالي:



    بعد ما تعرفت على خيارات التجسيم .. خلينا في الخيار الحالي واللي هوه inner bevel

    التجسيم ليه جزء متعرض للضوء وجزء معتم واقع في الظل ... ده هوه التكنيك اللي بيخلي الشكل باين بارز ومجسم ... بامكانك ضبط خصائص بروز الشكل عن طريق متغير golss contour ... اضغط على السهم الصغنن المتجه لأسفل وانته تشوف قائمه منسدلة زي مهو باين في الشكل التالي:



    لو اخترت أي شكل من الأشكال اللي باينه في الشكل ده هتشوف تأثير مختلف للتجسيم ... تقدر تجرب ده بعدين ... بس دلوقتي خلينا على الخيار الأصلي واللي هوه الخط المستقيم المايل بزاوية 45 درجة.

    سادساً: طيب ... خلونا نشوف ايه اللي جرى للشكل البيضاوي بعد ما طبقنا عليه:
    Color overlay
    و
    Bevel and emboss

    اضغط على زر ok اللي باين عندك في نافذة layer style وانته هترجع تاني لساحة العمل والشكل البيضاوي اللي لازم دلوقتي يبقى زي مهو باين عندك في الشكل التالي:



    واااااااااااااااو ... ايه رايك؟ ... مش حاجة هلمّه وروعه؟!! ... دا الشكل الدائري اللي كان لونه اسود وعادي بقى لونه ازرق وكمان مجسم ... بس خليني أقولك ان اللي عملناه ده ابسط حاجة ممكن نعملها باللير ستايل ... وقبل ما نكمل خلينا نعمل حركة فنية نص كم من حركاتي اللي بحبها أوي .... اختار أداة الاختيار البيضاوية من الـ tool box واختار بيها مساحة بيضاوية داخل الشكل البيضاوي اللي طبقنا عليه اللير ستايل وبعدين اضغط على زر Delete عندك في الكيبورد بتاعك عشان تحذف المساحة اللي اخترتها زي مهو باين عندك في الشكل التالي:



    شفت النتيجة ازاي روعه!! ... اللير ستايل اللي عملناه اتطبق فقط على الجزء الفاضل من الشكل البيضاوي اللي حذفنا جزء منه.

    سابعاً: دلوقتي بقه نتحرك لغاية قائمة select ونختار منها all زي مهو باين في الشكل التالي:



    ونقوم ضاغطين على زر Delete من الكيبورد عندك عشان نحذف كل حاجة في ساحة العمل ... متخافش .. بالشكل ده نحنا محدفناش اللير ستايل اللي عملناه

    ثامناً: اختار اداة brush من الـ tool box .. واضبط حجم الـ brush على قيمة 40 وارسم بيها في ساحة العمل أي خط عشوائي زي اللي انته شايفه في الشكل التالي:



    لاحظت روعة اللير ستايل ... آدي الخط اترسم مجسم وبلون ازرق كمان .. يعني الـ layer اللي انت فيها دلوقتي اتبرمجت بحيث ان أي حاجة تترسم فيها تبقى لونها ازرق وتبقى مجسمة كمان .. يعني الت**يطات اللي عملتها في نافذة layer style اتحفظت وبتطبق على أي حاجة بتترسم في اللير اللي انته فيها.

    دي نهاية الدرس الأول ... وإلى اللقاء في الجزء التاني من دروس اللير ستايلز
    [/align]
    [align=center]
    وفوتوكوا بألف ألف تريليون عافية .. ويجعله عاااااااااااااااااااااااااااااااااااااااااااااامر

    [flash=http://uaedunes.com/upload/uploading/zer.swf]WIDTH=680 HEIGHT=213[/flash]

    *** اللهم أعني على ذكرك وشكرك وحسن عبادتك ***[/align]

  2. #2
    Emad غير متواجد حالياً أذكر الله
    تاريخ التسجيل
    Dec 2004
    الدولة
    بئر السبع
    العمر
    35
    المشاركات
    34
    ما طلعت الصور..!!

  3. #3
    الصورة الرمزية زرياب
    زرياب غير متواجد حالياً فارس متميز
    تاريخ التسجيل
    Aug 2003
    المشاركات
    385
    الأخ/ عماد

    الصور طالعه عندي ... اظن انك تحتاج تحط مؤشر الماوس على الصورة اللي مش باينه عندك وبعدين تضغط على الزر اليمين للماوس وتختار من القائمة اللي هتطلعلك "show picture" ... اتمنى ان الحل ده ينفع وتطلع الصور لك
    [align=center]
    وفوتوكوا بألف ألف تريليون عافية .. ويجعله عاااااااااااااااااااااااااااااااااااااااااااااامر

    [flash=http://uaedunes.com/upload/uploading/zer.swf]WIDTH=680 HEIGHT=213[/flash]

    *** اللهم أعني على ذكرك وشكرك وحسن عبادتك ***[/align]

  4. #4
    الصورة الرمزية أسامي
    أسامي غير متواجد حالياً وخرووووا أنا بطــــــــير
    تاريخ التسجيل
    Jan 2002
    المشاركات
    1,209
    وعليكم السلام ورجمة الله وبركاته

    تسلم ياأستاذنا زرياب على الشرح الموجز بالتفصيل -والا التفصيل الموجز؟! -
    المهم ياسيدي أنا طبقت الدرس الرائع
    تسلم أياديكم الكريمة يارب
    بس أظن فيه خطوة ناقصة اذا ماكنت غلطانة
    قبل آخر خطويتين وحتى نقدر نعمل الخطوة الأخيرة -وضاعت على الدرب الخُطى -

    اذا تسمحلي أضيفها وهي:


    وبعدها مثل ماتفضلت:


    وأخيرا -وبعد مثل ماتفضلت-:


    وشكرا مرة ترليون على الحضور الأكثر من رائع يامشرفنا اللي شرف الإشراف
    أختك/أم عمر


    المؤمن هو من يكتشف أن جاذبية السماء أقوى من جاذبية الأرض
    اللهم اجعل لي أملا يتصل بالسماء ولايلهث دائرا في الأرض


    حكم المنية في البرية جاري ... ما هذه الدنيا بدار قرار
    بينا يرى الانسان فيها مخبراً ... حتى يرى خبراً من الأخبار


    رحمك الله يابابا زايد رحمة واسعة
    تملأ مابين السماء والأرض ومافوق ذلك ومادونه
    وجزاك عنّا وعن أمة سيدنا محمد خير الجزاء
    إنه ولي ذلك والقادر عليه

    ستظل في قلوبنا ماأحيانا الله ياوالدنا


  5. #5
    الصورة الرمزية المرعب
    المرعب غير متواجد حالياً العنكبوت الجزراوي
    تاريخ التسجيل
    Jan 2001
    الدولة
    بوظبي
    المشاركات
    13,493
    [align=center]زرياب[/align]




    [align=center]يعطيك العافيه على الدرس وننتظر الباقي.............عجيب الصراحه [/align]












    [align=center]المرعب والاجر على الله :7_1_106v:[/align]


    جزراوي
    .... حتى الــ نخاع

    لمتابعة التغريدات .... almoor3ib@

  6. #6
    الصورة الرمزية زرياب
    زرياب غير متواجد حالياً فارس متميز
    تاريخ التسجيل
    Aug 2003
    المشاركات
    385
    [align=center]أول هام: أنا بشكر الدرس جزييييييييييييييييييييييييييييييييييييييييييييل الشكر، وبقدره عظيم التقدييييييييييييييييييييييييييييييييييييييييييييير انه أقنع ستنا ومشرفتنا / أسامي أنها تنور الموضوع بحضورها وردها اللي اكتر من غالي وكريم ... برجو من ستنا انها ما تحرمنا من طلتها البهية علينا وبشكرها على تشجيعها لنا على بذل المزيد

    ثاني هام بقه: أنا مستغرب أوي من حكاية الـ "vector mask" اللي باين في الشكل المرفق بردك الكريم ... إزاي اتعمل ده؟ ... شكلك والله العالم يا ستنا عندك طريقتك الخاصة في عمل اللير ستايل ... أصلي لما بطبق اللير ستايل -وزي ما شرحت في الدرس وبينت بالاشكال التوضيحية- مبيظهرش عندي الـ "vector mask"!!! ... فطمينا ينوبك سواب ... إزاي بيظهر عندك؟ .. وليه بيتعمل من أصله؟ ... عاوزين نتعلم يا ستنا

    تالت هام بقه: بشكرك من تاني على كلامك الطيب .. اللي حقيقي حقيقي حاسس انه كبير عليا حبتين .. بس بقبله لأنه جاي من ناس الكل -وأنا منهم- بيحترمها وبيعرف قدرها .. ربنا يبارك في ذوقك الراقي وأخلاقك العالية ولا يحرم مسلم منه
    [/align]
    [align=center]
    وفوتوكوا بألف ألف تريليون عافية .. ويجعله عاااااااااااااااااااااااااااااااااااااااااااااامر

    [flash=http://uaedunes.com/upload/uploading/zer.swf]WIDTH=680 HEIGHT=213[/flash]

    *** اللهم أعني على ذكرك وشكرك وحسن عبادتك ***[/align]

  7. #7
    الصورة الرمزية جمرة غضا
    جمرة غضا غير متواجد حالياً عضو مسجل
    تاريخ التسجيل
    Aug 2002
    الدولة
    ( على آخر تراب الأرض ) !
    المشاركات
    2,601
    رحم الله زرياب وأسكنه فسيح جناته ..

    اللهم اغفر له وتجاوز عن سيئاته واجمعنا به تحت ظل عرشك ..

    اللهم آمين .

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. من نشر السرطان و الهربس بين الخليجيين؟
    بواسطة alainfalcon في المنتدى إمــارة دار زايــد الـخـيـر
    مشاركات: 8
    آخر مشاركة: 30-12-10, 03:24 pm
  2. مرقص في ........
    بواسطة alhoqani في المنتدى إمــارة دار زايــد الـخـيـر
    مشاركات: 13
    آخر مشاركة: 06-04-09, 03:40 pm
  3. دروجبا أفضل لاعب أفريقي والاهلي المصري يحصد ثلاث جوائز من الكاف
    بواسطة صقر السعودية في المنتدى الإمــــارة الريـاضـيــة
    مشاركات: 3
    آخر مشاركة: 03-03-07, 08:42 pm

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40